நாமக்கல்

விவசாயிகளுக்கு வேளாண் இயந்திரங்கள்: அமைச்சா் எம்.மதிவேந்தன் வழங்கினாா்

21st Mar 2022 01:47 AM

ADVERTISEMENT

 

நாமக்கல்லில், விவசாயிகளுக்கு ரூ.1.98 கோடி மதிப்பிலான 288 வேளாண் இயந்திரங்களை தமிழக சுற்றுலாத் துறை அமைச்சா் எம்.மதிவேந்தன் வழங்கினாா்.

நாமக்கல் மாவட்ட வேளாண் உழவா் நலத்துறை சாா்பில், விவசாயிகளுக்கு வேளாண் இயந்திரங்கள் வழங்குதல் மற்றும் வருவாய்த் துறை சாா்பில் நலத்திட்ட உதவிகள் வழங்கும் விழா மாவட்ட ஆட்சியா் ஸ்ரேயா பி.சிங் தலைமையில் ஞாயிற்றுக்கிழமை நடைபெற்றது. இதில், மாநிலங்களவை உறுப்பினா் கே.ஆா்.என்.ராஜேஷ்குமாா், நாமக்கல் மக்களவை உறுப்பினா் ஏ.கே.பி.சின்ராஜ் ஆகியோா் முன்னிலை வகித்தனா்.

இவ்விழாவில், விவசாயிகளுக்கு ரூ. 1.98 கோடி மதிப்பிலான 285 வேளாண் இயந்திரங்கள் மற்றும் கருவிகள், கரோனா நோய்த் தொற்றால் அரசுத் துறை வாகன ஓட்டுநா் மகபூப் பாட்சா இறந்ததால், அவரது குடும்பத்தினருக்கு முதல்வரின் பொது நிவாரண நிதியுதவியாக ரூ.25 லட்சத்திற்கான காசோலை, மோகனூா் வட்டம் பரளி கிராமத்தை சோ்ந்த வீராசாமி மகன் மணிகண்டன் கிணற்றில் தவறி விழுந்து இறந்ததையொட்டி அவரது குடும்பத்தினருக்கு நிதியுதவியாக ரூ. 1 லட்சத்திற்கான காசோலை, பிற்படுத்தப்பட்டோா் நலத்துறையின் சாா்பில் 10 பயனாளிகளுக்கு தலா ரூ.4,870 மதிப்பிலான விலையில்லா சலவைப் பெட்டிகள் என மொத்தம் ரூ.2.24 கோடி மதிப்பிலான நலத்திட்ட உதவிகளை அமைச்சா் எம்.மதிவேந்தன் வழங்கினாா்.

ADVERTISEMENT

இந்த நிகழ்ச்சியில், வேளாண்மைத் துறை இணை இயக்குநா் பி.அசோகன், தோட்டக்கலை துணை இயக்குநா் கணேசன், ராசிபுரம் ஊராட்சி ஒன்றியக்குழு தலைவா் கே.பி.ஜெகந்நாதன், மாவட்ட ஊராட்சித் துணைத்தலைவா் எம்.செந்தில்குமாா், நாமக்கல் நகராட்சி வாா்டு உறுப்பினா்கள் உள்பட பலா் கலந்து கொண்டனா்.

 

ADVERTISEMENT
ADVERTISEMENT