நாமக்கல்

வெப்ப அயா்ச்சியால் கோழிகள் இறப்பு: வானிலை ஆய்வு மையம் தகவல்

19th Mar 2022 12:22 AM

ADVERTISEMENT

நாமக்கல் மாவட்டத்தில் வெயிலின் தாக்கம் அதிகாரிப்பால் கோழிகள் அயா்ச்சி நோயால் இறக்க நேரிடும் என வானிலை ஆய்வு மையம் தெரிவித்துள்ளது.

இது குறித்து நாமக்கல் கால்நடை மருத்துவக் கல்லூரி வானிலை ஆய்வு மையம் வெள்ளிக்கிழமை வெளியிட்ட செய்திக் குறிப்பு:

கடந்த வார வானிலையைப் பொருத்தமட்டில், பகல் மற்றும் இரவு நேர வெப்ப அளவுகள் முறையே 102.2 மற்றும் 67.1 டிகிரியாக நிலவியது. கடந்த நான்கு நாட்களில் மழை எங்கும் பதிவாகவில்லை.

இனி வரும் நான்கு நாட்களுக்கான மாவட்ட வானிலை: முதல் நாளில் வானம் தெளிவாகவும், அடுத்து வரும் நாள்களில் லேசான மழையும் காணப்படும். பகல் வெப்பம் 102 டிகிரிக்கு மிகாமலும், இரவு வெப்பம் 73.4 டிகிரியாகவும் காணப்படும். காற்றின் திசை பெரும்பாலும் தெற்கு மற்றும் தென்மேற்கிலிருந்து மணிக்கு 6 கி.மீ வேகத்தில் வீசும்.

ADVERTISEMENT

சிறப்பு ஆலோசனை: கடந்த வாரம் இறந்த கோழிகளை ஆய்வு செய்ததில் பெரும்பாலானவை வெப்ப அயா்ச்சி காரணமாக இறந்திருப்பது தெரியவந்துள்ளது. கோடைகால பராமரிப்பு முறைகளைக் கையாள வேண்டும். கோழிகளுக்கு தீவனத்தில் வைட்டமின்-சி, நுண்ணூட்டச் சத்துக்களை உபயோகிக்க வேண்டும் என்று தெரிவிக்கப்பட்டுள்ளது.

 

ADVERTISEMENT

MORE FROM THE SECTION

ADVERTISEMENT