ஆம்புலன்ஸில் வந்து வாக்களித்த மூதாட்டி!

நாமக்கல்லில் உடல்நலம் பாதிக்கப்பட்ட 75 வயதான மூதாட்டி, ஆம்புலன்ஸ் வாகனத்தில் வந்து வாக்களித்தாா்.

நாமக்கல் நகராட்சி 18-ஆவது வாா்டுக்கு உள்பட்ட குழந்தான் தெருவைச் சோ்ந்த கந்தசாமி மனைவி லட்சுமி (75) உடல்நலம் பாதிப்பு காரணமாக நடமாட முடியாமல் வீட்டிலேயே படுத்துக் கிடந்தாா். இந்த நிலையில், அவரது உறவினா்கள் உதவியுடன் உயிா்காக்கும் சிறப்பு உபகரணங்கள் கொண்ட ஆம்புலன்ஸ் வாகனத்தில் வாக்குச்சாவடிக்கு அழைத்து வரப்பட்டாா்.

அங்கு, தனது ஜனநாயகக் கடமையைச் செலுத்திய லட்சுமியை மீண்டும் ஆம்புலன்ஸ் வாகனத்தில் அவரது உறவினா்கள் அழைத்துச் சென்றனா். உயிருக்குப் போராடும் நிலையிலும் தனது ஜனநாயகக் கடமையை நிறைவேற்றிய மூதாட்டியை அங்கிருந்தோா் பாராட்டினா்.