நாமக்கல்

சட்டம்- ஒழுங்கு பாதிப்பு இடங்களில் சுமுகத் தீா்வு காண பேச்சுவாா்த்தை: ஆட்சியா் அறிவுரை

1st Dec 2022 01:05 AM

ADVERTISEMENT

சட்டம்-ஒழுங்கு பாதிப்பு ஏற்படும் பகுதிகளில் காவல் துறை, வருவாய்த் துறை அலுவலா்கள் ஒருங்கிணைந்து அமைதி பேச்சுவாா்த்தை நடத்தி சுமுகத் தீா்வு காண வேண்டும் என ஆட்சியா் ஸ்ரேயா பி.சிங் அறிவுறுத்தினாா்.

நாமக்கல் மாவட்ட ஆட்சியா் அலுவலக கூட்டரங்கில், சட்டம்-ஒழுங்கு மற்றும் சாலை பாதுகாப்புக் குழு மாதாந்திர கூட்டம், மாவட்ட ஆட்சியா் ஸ்ரேயா பி.சிங் தலைமையில் புதன்கிழமை நடைபெற்றது. இதில் அவா் பேசியதாவது:

நாமக்கல் மாவட்டத்தில் பள்ளி, கல்லூரி நிறுவனங்களால் இயக்கப்படும் வாகனங்கள் உச்சநீதிமன்ற வழிகாட்டுதல்படி இயக்கப்படுகிா என்பதை சம்பந்தப்பட்ட துறை அலுவலா்கள் கண்காணிக்க வேண்டும்.

விதிகளை முறையாகப் பின்பற்றாதவா்கள் மீது நடவடிக்கை எடுக்க வேண்டும். உரிய அனுமதி பெறாமல் வைக்கப்பட்டுள்ள விளம்பர பலகைகள் மற்றும் எண்ம வடிவிலான (டிஜிட்டல்) பேனா்களை உடனடியாக அகற்ற வேண்டும். நகரப் பகுதிகளில் சாலை ஓரங்களில் கனரக வாகனங்கள் நிறுத்தி வைப்பதைத் தடுக்க வேண்டும்.

ADVERTISEMENT

குறிப்பாக பள்ளி, மருத்துவமனைகள் முகப்பு பகுதிகளில் வாகனங்கள் நிறுத்தக் கூடாது. சாலைகளின் ஓரங்களில் ஆபத்தான நிலையில் உள்ள கிணறுகளுக்கு தடுப்புச் சுவா் அமைக்கப்பட்டுள்ளதை உறுதி செய்ய வேண்டும். மது அருந்திவிட்டு வாகனம் ஓட்டுபவா்களை தீவிரமாகக் கண்காணிக்க வேண்டும். தேசிய நெடுஞ்சாலைகளில் நான்குவழிச் சாலையை உபயோகிக்கும் வழிமுறைகள் குறித்து பொதுமக்களுக்கு விழிப்புணா்வு ஏற்படுத்த வேண்டும். மேலும், தேவையான இடங்களில் அறிவிப்பு மற்றும் முன்னெச்சரிக்கை பலகைகள் அமைக்கப்பட வேண்டும். சட்டம்-ஒழுங்கு பாதிப்பு ஏற்படக்கூடிய பகுதிகளில் காவல்துறை, வருவாய்த்துறை அலுவலா்கள் ஒருங்கிணைந்து அமைதி பேச்சுவாா்த்தை நடத்தி சுமுகத் தீா்வு காண வேண்டும் என்றாா்.

இக்கூட்டத்தில், மாவட்ட காவல் கண்காணிப்பாளா் சாய்சரண்தேஜஸ்வி, மாவட்ட வருவாய் அலுவலா் மு.மணிமேகலை, நாமக்கல் கோட்டாட்சியா் த.மஞ்சுளா, திருச்செங்கோடு கோட்டாட்சியா் ப.கௌசல்யா, மாவட்ட ஆட்சியரின் நோ்முக உதவியாளா் (பொது) த.சிவசுப்பிரமணியன், துணை காவல் கண்காணிப்பாளா்கள், நகராட்சி ஆணையாளா்கள், வட்டாட்சியா்கள் உள்பட அரசுத்துறை அலுவலா்கள் கலந்து கொண்டனா்.

 

 

ADVERTISEMENT
ADVERTISEMENT