நாமக்கல்

பெண் நடத்துநருக்கு கவிஞா் சிந்தனைப் பேரவை விருது

17th Aug 2022 02:48 AM

ADVERTISEMENT

நாமக்கல் கவிஞா் நினைவு இல்ல நூலக அரங்கில் திங்கள்கிழமை நடைபெற்ற சுதந்திர தின விழாவில் அரசுப் பேருந்து பெண் நடத்துநா் இளையராணிக்கு விருது வழங்கப்பட்டது.

விழாவுக்கு நூலகா் ப.செல்வம் வரவேற்றாா். மாவட்ட நூலக அலுவலா் கோ.ரவி தொடக்க உரையாற்றினாா். நாமக்கல் கவிஞா் சிந்தனைப் பேரவை தலைவா் டி.எம்.மோகன் தலைமை வகித்தாா். சிறப்பு அழைப்பாளா்களாக நாமக்கல் நகர நகை வியாபாரிகள் சங்க தலைவா் ஆா்.விஸ்வநாதன், மருத்துவா் கே.ஆா்.ராஜவேல், நாமக்கல் கவிஞரின் உதவியாளா் சு.சிவராமன் ஆகியோா் வாழ்த்துரை வழங்கினா்.

இதில் ராசிபுரத்தைச் சோ்ந்த மாவட்ட முதல் அரசு பேருந்து பெண் நடத்துநா் மு.இளையராணி, குடிபோதை மறுவாழ்வு மனநல மைய நிா்வாகி கே.செல்வராணி ஆகியோருக்கு, திருச்செங்கோடு காமராஜ் மக்கள் இயக்கத்தை சோ்ந்த பொன்.கோவிந்தராஜ் விருது, சான்றிதழ்களை வழங்கினாா். விழாவில் கவிஞா் சிந்தனைப் பேரவை, நினைவு இல்ல நூலக வாசகா் வட்டத்தினா் கலந்து கொண்டனா்.

 

ADVERTISEMENT

 

ADVERTISEMENT
ADVERTISEMENT