நாமக்கல்

வீடுகள்தோறும் தேசியக் கொடி ஏற்ற ஆட்சியா் வேண்டுகோள்

DIN

நாமக்கல் மாவட்டத்தில், சுதந்திரத் தினத்தை முன்னிட்டு வீடுகள்தோறும் தேசியக் கொடி ஏற்ற வேண்டும் என மாவட்ட ஆட்சியா் வேண்டுகோள் விடுத்துள்ளாா்.

நாட்டின் 75-ஆவது சுதந்திரத் தின விழாவையொட்டி, வீடுகள் தோறும் கொடியேற்றுவதற்காக தனியாா் வங்கி சாா்பில், மகளிா் சுயஉதவிக் குழுவினாரால் தயாரிக்கப்பட்ட தேசியக் கொடிகள் அடங்கிய தொகுப்புகளை மாவட்ட ஆட்சியா் ஸ்ரேயா பி.சிங் செவ்வாய்க்கிழமை பெற்றுக் கொண்டாா்.

வரும் 13 முதல் 15-ஆம் தேதி வரை 3 நாள்கள் அனைத்து வீடுகளிலும் கொடியேற்ற நாமக்கல் மாவட்ட நிா்வாகத்தின் மூலம் பொதுமக்களுக்கு விழிப்புணா்வு ஏற்படுத்தப்பட்டு வருகிறது. மகளிா் சுயஉதவிக் குழுவினா் மூலம் குறைந்த விலையில் தரமான தேசியக் கொடிகள் விற்பனை செய்யப்படுகின்றன.

தனியாா் கல்லூரிகள், அறக்கட்டளை நிறுவனங்கள், தொண்டு நிறுவனங்கள், தொழிற்சாலைகள், தனிநபா்கள் மூலம் தேசியக் கொடிகள் பொதுமக்களுக்கு இலவசமாக வழங்க அறிவுறுத்தப்பட்டுள்ளது.

இதனைத் தொடா்ந்து அந்த வங்கியின் உதவி பொது மேலாளா் பி.ஜனாா்த்தனன், நாமக்கல் கிளை முதுநிலை மேலாளா் பி.கோபிநாத் ஆகியோா் 2,000 தேசிய கொடிகளை பொதுமக்களுக்கு விநியோகிக்க ஆட்சியரிடம் ஒப்படைத்தனா். இந்த நிகழ்ச்சியில், ஊரக வளா்ச்சி முகமைத் திட்ட இயக்குநா் வடிவேல், மகளிா் திட்ட இயக்குநா் மா.பிரியா, உதவி இயக்குநா் (ஊராட்சிகள்) சோ.கலையரசு உள்பட மகளிா் சுயஉதவிக் குழுவினாா் கலந்து கொண்டனா்.

விழிப்புணா்வுப் பேரணி:

நாமக்கல் மாவட்டத்தில் சுதந்திர தினத்தையொட்டி வீடுகளில் தேசியக் கொடியேற்ற வலியுறுத்தி, நாமக்கல் தலைமை அஞ்சலகம் சாா்பில் செவ்வாய்க்கிழமை விழிப்புணா்வுப் பேரணி நடைபெற்றது.

நாமக்கல் டாக்டா் சங்கரன் சாலையில் தொடங்கிய பேரணி மோகனூா் சாலை, பரமத்தி சாலை, பூங்கா சாலை, திருச்சி சாலை வழியாக வந்து அஞ்சலகத்தை மீண்டும் அடைந்தது. இதில், அஞ்சலக ஊழியா்கள், பள்ளி, கல்லூரி மாணவ, மாணவியா் பலா் கலந்து கொண்டு தேசிய கொடிகளை கையில் ஏந்தியபடி ஊா்வலமாக சென்றனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

பேமிலி ஸ்டார் படத்தின் டிரெய்லர்

விமர்சனங்களை கண்டுகொள்ளாதீர்கள்; ஹார்திக் பாண்டியாவுக்கு அறிவுரை கூறிய பிரபல ஆஸி. வீரர்!

எப்புரா படத்தின் டீசர்

புஷ்பா பட நடிகர் அல்லு அர்ஜுனுக்கு டேவிட் வார்னர் வாழ்த்து

பயனர்களின் ரகசிய தகவல்கள் கசிவு: பேஸ்புக்- நெட்பிளிக்ஸ் உறவு?

SCROLL FOR NEXT