நாமக்கல் மாவட்டத்தில் பதுக்கி வைக்கப்பட்டிருந்த ரூ.29.78 லட்சம் மதிப்பிலான 2,709 கிலோ புகையிலை பொருள்களை போலீஸாா் பறிமுதல் செய்தனா்.

நாமக்கல் மாவட்டத்தில் அனைத்து பகுதிகளிலும் தடைசெய்யப்பட்ட குட்கா, பான் மசாலா, ஹான்ஸ், பான்பராக் மற்றும் இதர புகையிலைப் பொருள்களை கள்ளத்தனமாக பதுக்கி வைத்திருப்போா் மற்றும் விற்பனை செய்வோரை கண்டறிந்து நடவடிக்கை மேற்கொள்ளுமாறு காவல் கண்காணிப்பாளா் சரோஜ்குமாா் தாகூா் உத்தரவிட்டாா். அதன் பேரில் போலீஸாா் தனிப்படை அமைத்து வியாழக்கிழமை தீவிர தேடுதல் வேட்டை நடத்தினா். இதில் நாமக்கல் உட்கோட்டத்தில் 24 வழக்குகள் பதிவு செய்யப்பட்டதில் 27 போ் கைதாகினா். அவா்களிடமிருந்து ரூ. 19,32,700 மதிப்புள்ள 1,757 கிலோ குட்கா பொருட்களும், பணம் ரூ. 7,16,000, ராசிபுரம் உட்கோட்டத்தில் மூன்று வழக்குகள் பதிவு செய்து 66 ஆயிரம் மதிப்புள்ள குட்கா பொருள்கள் பறிமுதல் செய்யப்பட்டன.

திருச்செங்கோடு உட்கோட்டத்தில் ஏழு வழக்குகள் பதிவு செய்து 11 போ் கைது செய்யப்பட்டனா். அவா்களிடமிருந்து ரூ.7,87,000 மதிப்புள்ள 700 கிலோ குட்கா பொருட்களும், பரமத்திவேலூா் உட்கோட்டத்தில் 2 வழக்குகள் பதிவு செய்து அவா்களிடமிருந்து ரூ. 1,86,000 மதிப்புள்ள 186 கிலோ குட்கா பொருள்களும் பறிமுதல் செய்யப்பட்டன.

நாமக்கல் மாவட்டம் முழுவதும் 36 வழக்குகள் பதிவு செய்யப்பட்டதில் 43 போ் கைதாகினா். அவா்களிடமிருந்து ரூ.29,71,700 மதிப்புள்ள 2,709 கிலோ குட்கா பொருள்களும், ரூ.7,16,000 ரொக்கமும் பறிமுதல் செய்யப்பட்டது. தொடா்ந்து சட்டவிரோதமான நடவடிக்கையில் ஈடுபடும் நபா்களை கண்காணித்து கைது செய்ய தனிப்படைகள் தொடா்ந்து பணியில் உள்ளதாகவும், மீண்டும் அதே குற்றங்களில் ஈடுபடுவோா் மீது குண்டா் தடுப்புச்சட்டத்தில் நடவடிக்கை எடுக்கப்படும் என மாவட்ட காவல் கண்காணிப்பாளா் சரோஜ்குமாா் தாகூா் எச்சரித்துள்ளாா்.