தேசிய முட்டை ஒருங்கிணைப்புக் குழுவின் நாமக்கல் மண்டல ஆலோசனைக் கூட்டம், சனிக்கிழமை அதன் தலைவா் மருத்துவா் பி.செல்வராஜ் தலைமையில் நடைபெற்றது.

இதில் மற்ற மண்டலங்களில் விலையில் மாற்றம் செய்யப்படாததும், கோடை தொடங்கியுள்ளதால் உற்பத்தி சரிந்து வருவதாலும் தற்போதைய விலையில் மாற்றம் செய்யாமல் முட்டையின் பண்ணைக் கொள்முதல் விலை ரூ. 4.40-ஆக நீடிப்பதாகத் தெரிவிக்கப்பட்டது.

பல்லடத்தில் நடைபெற்ற தேசிய ஒருங்கிணைப்புக் குழுக் கூட்டத்தில் கறிக்கோழி கிலோ விலை ரூ. 86-ஆகவும், முட்டைக் கோழி விலை கிலோ ரூ. 56-ஆகவும் நிா்ணயம் செய்யப்பட்டது.