நாமக்கல்

கற்போம் - எழுதுவோம் திட்டம்: நாமக்கல் அரசுப் பள்ளிக்கு விருது

4th Dec 2021 01:09 AM

ADVERTISEMENT

 கற்போம் - எழுதுவோம் திட்டத்தில், நாமக்கல், கூச்சிக்கல்புதூா் ஊராட்சி ஒன்றிய நடுநிலைப் பள்ளிக்கு விருது வழங்கப்பட்டுள்ளது.

தமிழகம் முழுவதும் அனைத்து அரசு தொடக்க மற்றும் நடுநிலைப் பள்ளிகளில் கற்போம் - எழுதுவோம் திட்டம் செயல்படுத்தப்பட்டு வருகிறது. அந்தந்தப் பகுதிக்கு உள்பட்ட இடங்களில் எழுத, படிக்க தெரியாதவா்களைக் கண்டறிந்து தன்னாா்வலா்கள் மூலம் வகுப்புகள் நடத்தப்படுகின்றன.

அந்த வகையில், தோ்வுகள் நடத்தப்பட்டு விடைத்தாள்களை மதிப்பீடு செய்ததில், நாமக்கல், கூச்சிக்கல்புதூா் ஊராட்சி ஒன்றிய நடுநிலைப் பள்ளி விருதுக்கு தோ்வு செய்யப்பட்டது.

இதனைத் தொடா்ந்து, அண்மையில் திருச்சியில் நடைபெற்ற விழாவில், நகராட்சித் துறை அமைச்சா் கே.என்.நேரு, பள்ளிக் கல்வித் துறை அமைச்சா் அன்பில் மகேஷ் பொய்யாமொழி, கல்வித் துறை அதிகாரிகள் முன்னிலையில் பள்ளித் தலைமை ஆசிரியா் கா.செல்வராணி, தன்னாா்வலா் தாகிராபானு ஆகியோருக்கு விருது, பாராட்டுச் சான்றிதழ்கள் வழங்கப்பட்டன.

ADVERTISEMENT

Tags : நாமக்கல்
ADVERTISEMENT

MORE FROM THE SECTION

ADVERTISEMENT