நாமக்கல் மாவட்டத்தில் உள்ள ஐந்து நகராட்சிகளிலும் கரோனா தொற்றுப் பரவலைத் தடுப்பதற்கான நடவடிக்கை மேற்கொள்ளப்படும் என ஆட்சியா் கா.மெகராஜ் தெரிவித்தாா்.

நாமக்கல் நகராட்சி அலுவலகத்தில் கரோனா தொற்றுத் தடுப்பு நடவடிக்கைகள் குறித்த ஆய்வுக் கூட்டம் மாவட்ட ஆட்சியா் கா. மெகராஜ் தலைமையில் புதன்கிழமை நடைபெற்றது.

இதில் கரோனா தொற்றுப் பரவலை கட்டுப்படுத்த அரசின் விதிமுறைகளை பொதுமக்கள் கடைப்பிடிக்க அதிகாரிகள் வலியுறுத்த வேண்டும்.

மாவட்டத்தின் அனைத்துப் பகுதிகளிலும் திடீா் ஆய்வுகள் நடத்தப்பட்டு வருகின்றன. உடனடி அபராதம் விதித்தல் பணியை அதிகம் மேற்கொள்ள அரசு துறை அலுவலா்களுக்கு அறிவுறுத்தப்பட்டுள்ளது.

அரசின் வழிமுறைகளை பொதுமக்கள் கடைப்பிடிக்கிறாா்களா என்பதை அரசுத் துறை அலுவலா்கள் மிகக் கவனமுடன் கண்காணிக்க வேண்டும் எனக் கூட்டத்தில் ஆட்சியா் தெரிவித்தாா்.

இதைத் தொடா்ந்து ஆட்சியா் கா. மெகராஜ் செய்தியாளா்களிடம் கூறியது:

கடந்த 3 வாரங்களாக கரோனா தொற்று அதிகரித்து வருகிறது. குறிப்பாக கிராமப் புறங்களைக் காட்டிலும் நகரப் பகுதிகளில் தொற்றின் வேகம் அதிகப்படியாக காணப்படுகிறது.

இதைக் கட்டுப்படுத்த வருவாய்த் துறை, காவல் துறை, சுகாதாரத் துறையினா் ஒருங்கிணைந்து செயல்பட வேண்டும்.

தொற்றுப் பாதித்த பகுதிகளை கண்காணிப்பு வளைய பகுதியாக அறிவிக்க வேண்டும். குமாரபாளையம், பள்ளிபாளையம் பகுதிகளில் மேற்கொள்ளப்பட்ட இவ்வாறான நடவடிக்கையால் தொற்றுக் குறைந்துள்ளது.

கரோனாவுக்கு மருந்து எதுவும் இதுவரை இல்லை. அவசியம் இல்லாமல் பொதுமக்கள் வீட்டை விட்டு வெளியே வரவேண்டாம். முதல்வா் அறிவித்ததுபோல் அனைவரும் தவறாமல் முகக் கவசம் அணிவது, சமூக இடைவெளியைப் பின்பற்ற வேண்டும்.

காவல்துறையைச் சோ்ந்த 1,400 பேருக்கு தொற்று பரிசோதனை செய்யப்பட்டதில் 72 பேருக்குத் தொற்று உறுதியானது. இதில், 60 போ் குணமாகியுள்ளனா். வருவாய்த் துறையைச் சோ்ந்த ஆயிரம் பேருக்கு பரிசோதனை மேற்கொள்ளப்பட்டுள்ளது. நாமக்கல் மற்றும் திருச்செங்கோடு நகரப் பகுதிகளில் 15 நாள்களில் மட்டும் நாள் ஒன்றுக்கு 10 போ் வீதம் என மொத்தம் 152 போ் பாதிக்கப்பட்டுள்ளனா்.

இனிவரும் நாள்களில் மாவட்ட நிா்வாகம் சாா்பில், நாமக்கல், திருச்செங்கோடு, ராசிபுரம், குமாரபாளையம், பள்ளிபாளையம் ஆகிய ஐந்து நகராட்சிகள்தோறும் இரு வாரங்களுக்கு ஒரு முறை ஆய்வு கூட்டங்கள் நடத்தப்பட்டு, தொற்றுப் பரவலை பெருமளவில் குறைப்பதற்கான நடவடிக்கை மேற்கொள்ளப்படும் என்றாா்.

கூட்டத்தில் மாவட்டக் காவல் கண்காணிப்பாளா் எஸ். சக்தி கணேசன், நகராட்சி ஆணையாளா் பி. பொன்னம்பலம், சுகாதார அலுவலா் சுகவனம், துப்புரவு ஆய்வாளா்கள் மற்றும் அரசு துறை அலுவலா்கள் கலந்துகொண்டனா்.