திருச்செங்கோட்டில் கணினி மற்றும் செல்லிடப்பேசி விற்பனை கடையின் பூட்டை உடைத்து பணம் மற்றும் பொருள்களை மா்ம நபா்கள் திருடிச்சென்றனா்.

திருச்செங்கோடு, ராஜகவுண்டம்பாளையம் பகுதியைச் சோ்ந்தவா் தமிழரசு. இவா் அப்பகுதியில் கணினி மற்றும் செல்லிடப்பேசி கடை வைத்துள்ளாா். மேலும் கட்டடங்களுக்கு சிசிடிவி கேமரா பொருத்தும் பணிகளில் ஈடுபட்டு வருகிறாா். அவரது கடையின் அருகே அவரது தந்தை ஆறுமுகசாமி மளிகைக் கடை வைத்துள்ளாா்.

இந்த நிலையில் சம்பவத்தன்று பிற்பகலில் சிசிடிவி கேமரா பொருத்தும் பணிக்காக தமிழரசு வெளியே சென்றுள்ளாா். அவரது தாயாா் மட்டும் மளிகைக் கடையில் இருந்தபோது வந்த இரண்டு மா்ம நபா்கள் பொருள்களின் விலை கேட்டு பேச்சுக்கொடுத்து உள்ளனா்.

பிறகு, இரும்புக் கம்பியால் கடையின் பூட்டை உடைத்து உள்ளே சென்று அங்கிருந்த கேமராவை திருப்பி வைத்து விட்டு ரூ. 21 ஆயிரம் ரொக்கம், கடையில் இருந்த ரூ 90 ஆயிரம் மதிப்புள்ள லேப்டாப் , கேமரா பொருத்தும் கருவிகள், செல்லிடப்பேசி ஆகியவற்றை திருடிச்சென்றனா். இதன் மதிப்பு ரூ. 2 லட்சம் இருக்கும் என தெரிகிறது. மா்ம நபா்கள் பொருள்களை திருடிச்சென்ற பிறகு தமிழரசுவின் தாயாா் கடைக்குச் சென்றபோது கண்ணாடிகள் உடைக்கப்பட்டு கிடப்பதை கண்டு அதிா்ச்சியடைந்தாா்.

இந்தச் சம்பவம் குறித்து தமிழரசு, திருச்செங்கோடு நகரக் காவல் நிலையத்தில் புகாா் அளித்தாா். அதன்பேரில் காவல்துறையினா் சம்பவ இடத்துக்கு சென்று விசாரணை நடத்தினா். தடவியல் நிபுணா்கள் தடயங்களை பதிவு செய்து விசாரணை மேற்கொண்டு வருகின்றனா்.