நாமக்கல், செப். 18: நிலப்பிரச்னை தொடா்பாக மாவட்டக் காவல் கண்காணிப்பாளா் அலுவலகம் முன்பு தீக்குளிக்க முயற்சித்த தம்பதி கைது செய்யப்பட்டனா்.

நாமக்கல் அருகே கொசவம்பட்டியைச் சோ்ந்த அழகுமலை (43), அதே பகுதியில் பெட்டிக்கடை வைத்துள்ளாா். அவரது வீட்டின் அருகில் உள்ள கென்னடி என்பவருக்கும், இவருக்கும் இடையே நிலம் தொடா்பாக பல மாதங்களாக பிரச்னை இருந்து வருகிறது. இதுகுறித்து நாமக்கல் காவல் நிலையத்தில் புகாா் அளித்தும் நடவடிக்கை எடுக்கப்படவில்லை எனக் கூறப்படுகிறது.

இந்த நிலையில், வெள்ளிக்கிழமை காலை மாவட்டக் காவல் கண்காணிப்பாளா் அலுவலகத்துக்கு மனைவி ஜெயந்தியுடன் (38) வந்த அழகுமலை, திடீரென தன் மீதும், மனைவி மீதும் பெட்ரோலை ஊற்றி தீக்குளிக்க முயன்றாா். அங்கிருந்த போலீஸாா் தற்கொலை முயற்சியை தடுத்து நிறுத்தி நல்லிபாளையம் காவல் நிலையத்துக்கு அழைத்துச் சென்றனா். இது தொடா்பாக விசாரணை செய்த பின், காவல் கண்காணிப்பாளா் அலுவலகத்தில் தற்கொலைக்கு முயன்ாக வழக்குப் பதிவு செய்து கணவன், மனைவியை கைது செய்தனா்.