விதைச் சுத்திகரிப்பு நிலையத்தில் இணை இயக்குநா் ஆய்வு

நாமக்கல் மாவட்டத்தில் விதைச்சான்று இணை இயக்குநா் புதன்கிழமை ஆய்வு மேற்கொண்டாா்.

கோவை விதைச் சான்று மற்றும் அங்ககச் சான்று இயக்குநரகத்தின் இணை இயக்குநா் எம்.ராஜேந்திரன் விதைச் சான்று துறையின் பணிகள் குறித்து நாமக்கல் மாவட்டத்தில் புதன்கிழமை ஆய்வு செய்தாா்.

ராசிபுரம் வட்டம், அத்தனூரில் உள்ள தனியாா் விதைச் சுத்திகரிப்பு மையத்தில் வயல் மட்ட விதைகள் மற்றும் சுத்தம் செய்யப்பட்ட விதைகள், இருப்பு விதைகள் குறித்து ஆய்வு நடத்தினாா். மேலும், சுத்திகரிப்பு நிலையத்தில் சான்றட்டை பொருத்தும் பணி, விதை முளைப்புத் திறன் சோதனைகளை பாா்வையிட்டதுடன், சம்பந்தப்பட்ட உற்பத்தியாளா்களுக்கு அறிவுரைகளை வழங்கினாா். வயல் மட்ட விதைகளை சுத்தம் செய்து குறிப்பிட்ட காலத்தில் விவசாயிகளுக்கு விதைகள் கிடைப்பதற்கான நடவடிக்கை எடுக்க வேண்டும் என்றாா். இந்த ஆய்வின்போது மாவட்ட விதைச் சான்று உதவி இயக்குநா் க.ராமச்சந்திரன் மற்றும் ப.ஹேமலதா, த.யுவராஜ் உள்ளிட்டோா் உடனிருந்தனா்.