நாமக்கல் மண்டலத்தில் முட்டை விலை மேலும் 5 காசுகள் உயா்ந்து ஒரு முட்டையின் விலை ரூ.4.30-ஆக நிா்ணயிக்கப்பட்டுள்ளது.
தேசிய முட்டை ஒருங்கிணைப்புக் குழுவின் நாமக்கல் மண்டல ஆலோசனைக் கூட்டம் ஞாயிற்றுக்கிழமை நடைபெற்றது. இதில், முட்டை விற்பனை சீராக நடைபெறுவதால், தற்போதைய நிலையில் திங்கள்கிழமைக்கான விலையில் குறைவான மாற்றம் செய்யலாம் என கூட்டத்தில் தெரிவிக்கப்பட்டது. அதனையடுத்து முட்டையின் பண்ணைக் கொள்முதல் விலையில் 5 காசுகள் உயா்த்தப்பட்டு ரூ.4.30-ஆக நிா்ணயிக்கப்பட்டது. இதேபோல், பல்லடத்தில் நடைபெற்ற தேசிய ஒருங்கிணைப்புக் குழுக் கூட்டத்தில், முட்டைக் கோழி விலை கிலோ ரூ.62-ஆகவும், கறிக்கோழி கிலோ ரூ.94-ஆகவும் நிா்ணயிக்கப்பட்டது.