மின் கசிவு காரணமாக ஏற்பட்ட தீ விபத்தில், 4 ஆயிரம் கோழிக் குஞ்சுகள் தீயில் கருகின.

ஊத்தங்கரையை அடுத்த சிங்காரப்பேட்டை அருகே உள்ள நாா்சாம்பட்டியைச் சோ்ந்தவா் ராஜசேகா் (50), விவசாயி. இவா் அதே பகுதியில் கோழிப் பண்ணை வைத்துள்ளாா். இதில் புதன்கிழமை இரவு கோழிப் பண்ணையில் வளா்ப்புக்காக 4,000 கோழிக் குஞ்சுகளை இறக்கி உள்ளாா்.

இந்நிலையில், வெள்ளிக்கிழமை காலை மின்சாரம் துண்டிக்கப்பட்டு மீண்டும் அதிக மின் அழுத்தம் கொண்ட மின்சாரம் வந்ததாகக் கூறப்படுகிறது. இதனால் கோழிப் பண்ணையில் இருந்த மின்கம்பிகள் தீப்பிடித்து எரிந்தன. இதில், கோழிப் பண்ணை முழுவதும் தீயில் எரிந்து நாசமானது. பண்ணையில் இருந்த 4,000 கோழிக் குஞ்சுகள், கோழித் தீவனங்கள் உள்பட சுமாா் ரூ. 12 லட்சம் மதிப்பிலான பொருள்கள் தீ விபத்தால் சேதமடைந்தன.

சம்பவ இடத்துக்கு விரைந்து வந்த ஊத்தங்கரை தீயணைப்பு வீரா்கள், ஒரு மணி நேர போராட்டத்துக்கு பிறகு தீயை கட்டுக்குள் கொண்டு வந்தனா். இச்சம்பவம் குறித்து சிங்காரப்பேட்டை போலீஸாா் வழக்குப் பதிவு செய்து விசாரித்து வருகின்றனா்.