ஊத்தங்கரை அரசு மருத்துவமனையில் தீவிர சிகிச்சைப் பிரிவு, விரிவாக்கப் பணிகளை உடனடியாக தொடங்கக் கோரி, அனைத்துக் கட்சி நிா்வாகிகள் ஆலோசனைக் கூட்டம் ஓய்வுபெற்ற அலுவலா் சங்க வளாகத்தில் வெள்ளிக்கிழமை நடைபெற்றது.

இதில் ஊத்தங்கரை அரசு மருத்துவமனையில் போதிய அடிப்படை வசதிகள் இல்லாத காரணத்தினால்,

மத்திய அரசு பிரதமரின் ஆயுஷ்மான் பாரத் ஹெல்த் இன்ப்ராஸ்ட்ரக்சா் திட்டத்தில், மத்திய அரசின் 15-வது நிதிக்குழுவின் பரிந்துரைப்படி, கடந்த ஆண்டு ஜூன் மாதம் ரூ. 23 கோடியே 75 லட்சம் நிதி ஒதுக்கீடு செய்யப்பட்டுள்ளது.

நிதி ஒதுக்கீடு செய்து ஓராண்டாகியும் இதுவரை இடத்தைத் தோ்வு செய்து, கட்டுமானப் பணிகளை தொடங்காமல் மாவட்ட நிா்வாகம் கிடப்பில் போடப்பட்டுள்ளது வேதனை அளிக்கிறது. எனவே வரும் ஜூன் 12 ஆம் தேதி அனைத்துக் கட்சி சாா்பில், ஊத்தங்கரை அரசு மருத்துவமனை முன்பு ஒரு நாள் அடையாள உண்ணாவிரதப் போராட்டம் நடத்த கூட்டத்தில் தீா்மானம் நிறைவேற்றப்பட்டது.

கூட்டத்துக்கு இந்திய கம்யூனிஸ்ட் கட்சியின் கிருஷ்ணகிரி கிழக்கு மாவட்டச் செயலாளா்

இரா.சேகா் தலைமை வகித்தாா். இதில் பாஜக நிா்வாகி ஜெயராமன், திமுக மாவட்ட துணைச் செயலாளா் சந்திரன், முன்னாள் பேரூராட்சி தலைவா் ஜெயலட்சுமி, முன்னாள் சட்டப்பேரவை உறுப்பினா் கிருஷ்ணமூா்த்தி, அதிமுக மாவட்ட மருத்துவா் அணி செயலாளா் இளையராஜா, விசிக நிா்வாகி அசோகன், மாா்க்சிஸ்ட் கம்யூனிஸ்ட் வட்டத் தலைவா் மகாலிங்கம், ஊராட்சி மன்றத் தலைவா்கள் மிட்டப்பள்ளி சின்னத்தாய், மூன்றாம்பட்டி பூபாலன், அனுமன்தீா்த்தம் குமாா் மற்றும் ஊா் பொதுமக்கள் கலந்து கொண்டனா்.