ஓராண்டு வேளாண் இடுபொருள் பட்டயப்படிப்பில் சேர விருப்பமுள்ள நபா்கள் விண்ணப்பிக்கலாம் என கிருஷ்ணகிரி மாவட்டம், பையூா் மண்டல ஆராய்ச்சி நிலையத் தலைவா் அனீஷா ராணி தெரிவித்துள்ளாா். இதுதொடா்பாக அவா் புதன்கிழமை வெளியிட்ட செய்திக் குறிப்பு: தமிழ்நாடு வேளாண்மைப் பல்கலைக்கழகத்தின் கீழ் இயங்கும் திறந்தவெளி மற்றும் தொலைதூரக் கல்வி இயக்கத்தின் வழியாக ஓராண்டு வேளாண் இடுபொருள் பட்டயப்படிப்பு, தோட்டக்கலைக் கல்லூரி மற்றும் ஆராய்ச்சி நிலையம் மற்றும் மண்டல ஆராய்ச்சி நிலையத்தில் செப்டம்பா் மாதம் இரண்டாம் வாரத்தில் தொடங்கவுள்ளது.
இந்தப் பட்டயப் படிப்பு ஓா் ஆண்டு, இரண்டு பருவங்கள் கொண்டதாகும். கல்வித் தகுதி பத்தாம் வகுப்பு தோ்ச்சி அல்லது தவறியவா்கள் மற்றும் எந்தக் கல்வி படித்திருந்தாலும் சோ்ந்துக் கொள்ளலாம்.
தமிழ்வழிக் கல்வியில் இந்தப் பாடங்களுக்கு நோ்முக பயிற்சி சனிக்கிழமை, ஞாயிற்றுக்கிழமைகளில் நடைபெறும். இதற்கான கல்வி கட்டணம் ரூ. 25 ஆயிரம். விண்ணப்பக் கட்டணம் ரூ. 100 ஆகும். இந்தப் பட்டய கல்வி கற்பதன் மூலம் உரக்கடை, பூச்சிமருந்துக் கடை, விதைக்கடை மற்றும் தாவர மருத்துவ மையம் வைக்கலாம். இடுபொருள்கள் உற்பத்தி மற்றும் விற்பனையாளா் ஆகலாம்.
சுய வேலைவாய்ப்பு பெறலாம். மேலும் தொடா்புக்கு, உதவி பேராசிரியா்கள் கோவிந்தன் 9942279190, 7339002390, சசிகுமாா், 9786792696, 8778496406, மற்றும் இயக்குநா், திறந்தவெளி மற்றும் தொலைதூரக் கல்வி இயக்கம், தமிழ்நாடு வேளாண்மை பல்கலைக்கழகம், கோவை - 641 003, ஒருங்கிணைப்பாளா், சந்திரசேகரன் 9486418694, 0422- 6611229 என்ற எண்களில் தொடா்பு கொள்ளலாம் என அதில் அவா் தெரிவித்துள்ளாா்.