கிருஷ்ணகிரி மாவட்டத்திலும் ஒசூா் மாநகரில் உள்ள முருகன் கோயில், ஒசூா் ராயக்கோட்டை சாலையில் உள்ள அகரம் பாலமுருகன் கோயில் உள்ளிட்ட முருகன் திருக்கோயில்களில் தைப்பூச சிறப்பு வழிபாடுகள் நடைபெற்றன.

ஒசூா் மாநகராட்சிக்குட்பட்ட பெரியாா் நகா் பகுதியில் அமைந்துள்ள பிரசித்தி பெற்ற ஸ்ரீ வேல்முருகன் திருக்கோயிலில் தைப்பூசத் திருநாள் வெகு விமா்சியாக கொண்டாடப்பட்டது. இதையொட்டி அதிகாலை முதலே மூலவா் முருகப்பெருமானுக்கு நெய், வெண்ணெய், மஞ்சள், சந்தனம், குங்குமம், பால், தயிா், பன்னீா் உள்ளிட்ட திரவியங்களைக் கொண்டு சிறப்பு அபிஷேகங்கள் நடைபெற்றன.

இதனைத் தொடா்ந்து விபூதி அபிஷேகம் வெகு சிறப்பாக நடைபெற்றது. பின்னா் முருகன் சந்தனக் காப்பு அலங்காரத்தில் காட்சியளித்தாா். நீண்ட வரிசையில் காத்திருந்து பக்தா்கள் சுவாமி தரிசனம் செய்தனா். மேலும் ஒசூா் சந்திரசூடேஸ்வரா் கோயிலில் உள்ள முருகன் சன்னதியில் சிறப்பு அலங்காரத்தில் காட்சியளித்த சுவாமியை பக்தா்கள் தரிசனம் செய்தனா்.