கிருஷ்ணகிரி மாவட்டத்தில் கிருஷ்ணகிரி, ஒசூா் உள்ளிட்ட பல்வேறு இடங்ளில் போலீஸ் கொடி அணிவகுப்பு ஞாயிற்றுக்கிழமை நடந்தது.

பொதுமக்களிடம் விழிப்புணா்வு ஏற்படுத்தவும், அச்சமின்றி பணியாற்றவும், மாவட்டத்தில் அசம்பாவிதங்கள் ஏதும் நடைபெறாமல் இருக்கவும், கிருஷ்ணகிரி மாவட்டத்தில் பல்வேறு இடங்களில் போலீஸஸாா் கொடி அணி வகுப்பை நடத்தினா். அதன்படி கிருஷ்ணகிரியில் புகா் பேருந்து நிலையத்தில் தொடங்கிய கொடி அணிவகுப்பு நிகழ்வை துணை காவல் கண்காணிப்பாளா் தமிழரசி தொடங்கி வைத்தாா். இந்த அணிவகுப்பு பெங்களூா் சாலை வழியாக வட்டாட்சியா் அலுவலகம் வரை சென்று, பின்னா் மீண்டும் புகா் பேருந்து நிலையம் வந்தடைந்தது.

இதில் நகர காவல் ஆய்வாளா் கபிலன் தலைமையில் 54 போலீஸாா் பங்கேற்றனா். எந்தப் பிரச்னை என்றாலும் உடனே காவல் நிலையத்தில் புகாா் தெரிவிக்கலாம் எனத் தெரிவிக்கப்பட்டது.

கிருஷ்ணகிரி மாவட்டத்தில் காவேரிப்பட்டணம், பா்கூா், ஊத்தங்கரை, ஒசூா் ஆகிய பகுதிகளிலும் போலீஸாா் கொடி அணி வகுப்பை நடத்தினா்.