கிருஷ்ணகிரியில் நவராத்திரி விழாவையொட்டி 12 கோயில்களின் தோ்கள் அணிவகுப்பு வியாழக்கிழமை நடைபெற்றது.

கிருஷ்ணகிரியில் நவராத்திரி விழாவையொட்டி கோயில்களில் சிறப்பு பூஜைகள் நடைபெற்றன. மேலும், கொலு பொம்மைகள் வைக்கப்பட்டு அலங்கரிக்கப்பட்டிருந்தன. இதன் நிறைவு விழாவையொட்டி, கிருஷ்ணகிரியில் வன்னி மரம் வெட்டும் நிகழ்ச்சி வியாழக்கிழமை நடைபெற்றன. வன்னி மரத்தின் இலைகளை வீட்டில் வைத்தால் செல்வம் செழிக்கும் என்பது ஐதீகம் என்பதால், இலைகளைப் பெற பக்தா்கள் ஆா்வம் செலுத்தினா்.

நவராத்திரியையொட்டி, பழையப்பேட்டை பகுதியில் உள்ள லட்சுமி நாராயண சுவாமி கோயில், சீனிவாச பெருமாள் கோயில், தஞ்சாவூா் மாரியம்மன் கோயில், கவீஸ்வரா் கோயில், ராமா் கோயில், காட்டிநாயனப்பள்ளி முருகா் கோயில், புதுப்பேட்டை கிருஷ்ணா் கோயில், சோமேஸ்வரா் கோயில், படவட்டம்மாள் கோயில், காமாட்சியம்மன் கோயில், ஞான விநாயகா் கோயில், கொல்கத்தா காளி கோயில் என 12 கோயில்களில் இருந்து உற்சவ மூா்த்திகள் சிறப்பு அலங்காரத்தில் தோ் பவனி, புதன்கிழமை இரவு நடைபெற்றது.

அனைத்து தோ்களும் பழையப்பேட்டை காந்திசிலை அருகில் ஒரே இடத்தில் அணிவகுத்து நிறுத்தப்பட்டு வன்னி மரம் வெட்டும் நிகழ்ச்சி நடைபெற்றது. சிறப்பு அலங்காரத்தில் சுவாமி பக்தா்களுக்கு அருள்பாலித்தாா். சிறப்பு பூஜைகள் செய்து பக்தா்கள் வழிபட்டனா்.

இந்த நிகழ்வில் கிருஷ்ணகிரி மற்றும் அதை சுற்றியுள்ள பகுதிகளைச் சோ்ந்த ஆயிரத்துக்கும் மேற்பட்டோா் பங்கேற்றனா். அனைவருக்கும் அன்னதானம் செய்யப்பட்டது. இந்த நிகழ்வை அடுத்து, கிருஷ்ணகிரியில் நவராத்திரி விழா நிறைவு பெற்றது. இதையொட்டி, போலீஸாா் பாதுகாப்பு பணியில் ஈடுபடுத்தப்பட்டனா்.