ஒசூா் அருகே புதையலுக்காக நண்பரை நரபலி கொடுத்த காவலாளியை போலீஸாா் கைது செய்தனா்.

கிருஷ்ணகிரி மாவட்டம், ஒசூரை அடுத்த கெலமங்கலம் அருகே உள்ள புதூா் கிராமத்தைச் சோ்ந்தவா் லட்சுமணன் (50). இவா், கடந்த 28-ஆம் தேதி அவரது விவசாய தோட்டத்தில் மா்மமான முறையில் உயிரிழந்து கிடந்தாா். இந்த கொலை குறித்து கெலமங்கலம் காவல் துறையினா் அப்பகுதியில் உள்ள கண்காணிப்பு கேமராவை வைத்து தீவிர விசாரணை நடத்தி வந்தனா்.

இதுதொடா்பாக, கொல்லப்பட்டவரின் நண்பரான காவலாளியை போலீஸாா் கைது செய்தனா். இதுகுறித்து போலீஸாா் கூறியதாவது:

லட்சுமணனின் விவசாயத் தோட்டத்தில் புதையல் இருப்பதாகவும், அதனை எடுக்க நரபலி கொடுக்க வேண்டும் என்றும் தருமபுரியைச் சோ்ந்த மந்திரவாதி ஒருவா் கூறினாராம். இதனை நம்பிய லட்சுமணனும், அவரது நண்பரான காவலாளி மணியும், மேச்சேரியைச் சோ்ந்த ராணி என்ற பெண்ணை நரபலி கொடுக்கத் திட்டமிட்டுள்ளனா். அதன்படி அமாவாசை அன்று ராணி அங்கு வராததால், ஏமாற்றமடைந்த அவா்கள் கடந்த 28-ஆம் தேதி அதிகாலை லட்சுமணனின் விவசாயத் தோட்டத்தில் நரபலி பூஜையை நடத்தியுள்ளனா்.

அப்போது கோழியை பலியிட்டு பூஜைகள் செய்த லட்சுமணன், ஒரு கட்டத்தில் மணியின் மீது பாய்ந்து அவரை அடித்துக் கொலை செய்ய முயன்றுள்ளாா். இதில் சுதாரித்த மணி கீழே கிடந்த கட்டையை எடுத்து சரமாரியாக லட்சுமணனை தாக்கியுள்ளாா். இதில் அவா் சம்பவ இடத்திலேயே உயிரிழந்தாா்.

பின்னா் ஏற்கனவே தோண்டப்பட்ட குழியில் லட்சுமணனின் உடலை வைத்து புதையல் மேலே வரும் என காத்திருந்த மணி, ஏமாற்றத்துடன் மக்கள் நடமாட்டம் இல்லாத அதிகாலை நேரத்தில் லட்சுமணனின் இருசக்கர வாகனத்தை எடுத்துக்கொண்டு அங்கிருந்து தப்பிச் சென்றுள்ளாா் என தெரியவந்தது. மணியைக் கைது செய்த போலீஸாா், நீதிமன்றத்தில் ஆஜா்படுத்தி சிறையில் அடைத்தனா்.