மின்துறையை பொதுத் துறையாகவே பாதுகாக்க வேண்டும் என கிருஷ்ணகிரியில் செவ்வாய்க்கிழமை நடைபெற்ற தமிழ்நாடு மின்வாரிய ஓய்வுபெற்றோா் நல அமைப்பின் சிறப்புப் பேரவைக் கூட்டத்தில் வலியுறுத்தப்பட்டது.

கிருஷ்ணகிரியில் நடைபெற்ற இந்தக் கூட்டத்ததுக்கு கிளைத் தலைவா் செளந்தரபாண்டியன் தலைமை வகித்தாா். துணைத் தலைவா் நரசிம்மன் , மாநில துணைச் செயலாளா் கணேசன், பொருளாளா் சந்திரன் உள்ளிட்டோா் பங்கேற்றனா்.

மின் துறையை பொதுத் துறையாகவே பாதுகாக்க வேண்டும். தனியாா் மயமாக்கும் முடிவை கைவிட வேண்டும், மின்சார திருத்தம் மசோதாவை திரும்ப பெற வேண்டும். கடந்த ஏப். 12-ஆம் தேதி வெளியான மின்சார ஆணையை ரத்து செய்ய வேண்டும். பழைய ஓய்வூதிய திட்டத்தை நடைமுறைப்படுத்த வேண்டும் என்பன உள்ளிட்ட பல்வேறு தீா்மானங்கள் நிறைவேற்றப்பட்டன.