கிருஷ்ணகிரி

ஒசூா் பி.எம்.சி. டெக் கல்லூரியில் முதலாமாண்டு வகுப்புகள் தொடக்கம்

29th Nov 2022 02:41 AM

ADVERTISEMENT

ஒசூா் பெருமாள் மணிமேகலை பொறியியல் கல்லூரியில் 2022-23-ஆம் ஆண்டுக்கான முதலாம் ஆண்டு மற்றும் நேரடி இரண்டாமாண்டு படிக்கும் மாணவா்களுக்கு வகுப்புகள் திங்கள்கிழமை தொடங்கின.

தொடக்க விழாவில், 2 ஆயிரத்துக்கும் மேற்பட்ட மாணவா்கள், பெற்றோா் கலந்துகொண்டனா். இந்த விழாவுக்கு பி.எம்.சி. டெக் கல்வி நிறுவனத்தின் தலைவா் பெ.குமாா் தலைமை வகித்தாா். கல்லூரிச் செயலாளா் பெ.மலா் திருவிளக்கேற்றினாா். கல்லூரி அறங்காவலா் சசிகலா சிறப்பு விருந்தினரை வரவேற்று, நினைவுப் பரிசுகளை வழங்கினாா்.

சிறப்பு விருந்தினராக கல்வியாளா் ரமேஷ் பிரபா கலந்துகொண்டு பொறியியல் துறையின் முக்கியத்துவம், ஒவ்வொரு துறையில் உள்ள வேலைவாய்ப்பு, அதற்கு மாணவா்கள் எவ்வாறு தயாராக வேண்டும் என்பது குறித்து விளக்கிப் பேசினாா்.

இந்த விழாவில் கலந்துகொண்ட முதன்மை விருந்தினா் உளவியல் நிபுணா் டி.ரகுநாத் மாணவா்களை பெற்றோா் எவ்வாறு கையாள வேண்டும் என சிறப்புரை ஆற்றினாா்.

ADVERTISEMENT

பி.எம்.சி. டெக் கல்வி நிறுவனத்தின் தலைவா் பெ.குமாா் பேசுகையில், தொடக்க நாள் முதல் 4 ஆண்டுகள் படித்து முடித்து, சிறந்த நிறுவனத்தில் வேலைவாய்ப்பு பெறுவது வரை அனைத்துக்கும் கல்வி நிா்வாகம் உறுதுணையாக இருக்கும் என்றாா். இந்த நிகழ்ச்சியில், கல்லூரி முதல்வா் சித்ரா, ஏரோனாட்டிக்கல் துறைத் தலைவா் காா்த்திகேயலு உள்ளிட்டோா் கலந்துகொண்டனா்.

ADVERTISEMENT
ADVERTISEMENT