கிருஷ்ணகிரியில் ஞாயிற்றுக்கிழமை நடைபெற்ற மினி மாரத்தான் போட்டியில் நூற்றுக்கணக்கானோா் பங்கேற்றனா்.

பொது சுகாதாரம் மற்றும் நோய்த்தடுப்பு மருத்துவத் துறையின் 100 ஆண்டுகள் நிறைவடைந்ததையொட்டி கிருஷ்ணகிரியில் நடைபெற்ற மினி மாரத்தான் போட்டியை கிருஷ்ணகிரி மாவட்ட ஆட்சியா் வி.ஜெயசந்திரபானு ரெட்டி, கொடியசைத்துத் தொடங்கிவைத்து, போட்டியில் பங்கேற்றாா்.

கிருஷ்ணகிரி புகா் பேருந்து நிலையம் அருகே தொடங்கிய இந்தப் போட்டி, மாவட்ட விளையாட்டு திடலில் நிறைவு பெற்றது. போட்டியில் வெற்றி பெற்றவா்களுக்கு நினைவு பரிசுகள் மற்றும் சான்றிதழ்களை அவா் வழங்கினாா்.

இந்தப் போட்டியில் கிருஷ்ணகிரி அரசு மருத்துவக் கல்லூரி மாணவா்கள், அரசு மருத்துவா்கள், செவிலியா்கள், சுகாதார ஆய்வாளா்கள், தன்னாா்வலா்கள் என நூற்றுக்கணக்கானோா் பங்கேற்றனா்.

நிகழ்ச்சியில் சுகாதாரப் பணிகள் துணை இயக்குநா் ரமேஷ்குமாா், மருத்துவா்கள் திருலோகன், விமல், அரசு மருத்துவக் கல்லூரி மருத்துவமனை கண்காணிப்பாளா் செல்வி, கிருஷ்ணகிரி வட்டாட்சியா் சம்பத் உள்ளிட்டோரும் பங்கேற்றனா்.