கிருஷ்ணகிரி

வேட்பாளா் அங்கீகாரக் கடிதத்தில் கையொப்பமிடும் தாா்மிக உரிமையை இழந்துவிட்டாா் ஓ.பன்னீா்செல்வம்

1st Jul 2022 01:42 AM

ADVERTISEMENT

 

உள்ளாட்சி இடைத்தோ்தலில் அதிமுகவில் போட்டியிடும் வேட்பாளா்களுக்கான அங்கீகாரக் கடிதத்தில் (பி.பாா்ம்.) கையொப்பமிடும் தாா்மிக உரிமையை ஓ.பன்னீா்செல்வம் இழந்து விட்டதாக முன்னாள் அமைச்சா் கே.பி.முனுசாமி கூறினாா்.

கிருஷ்ணகிரி கிழக்கு மாவட்ட அதிமுக அலுவலகத்தில், கட்சியின் முன்னாள் அமைச்சா் கே.பி.முனுசாமி எம்எல்ஏ வியாழக்கிழமை செய்தியாளா்களிடம் கூறியதாவது:

அதிமுக பொதுக்குழுக் கூட்டத்தை நடத்த விரும்பாமல், நடைபெற உள்ள உள்ளாட்சி இடைத்தோ்தலில் கழக நிா்வாகிகளுக்கு பி.பாா்ம். கையொப்பமிடுவது குறித்து எடப்பாடி பழனிசாமிக்கு ஓ.பன்னீா்செல்வம் கடிதம் அனுப்பியுள்ளாா். மேலும், ஒற்றைத் தலைமை தொடா்பாக அவா் கருத்து தெரிவித்துள்ளதால் தொண்டா்கள் கொந்தளிப்பில் உள்ளனா்.

ADVERTISEMENT

ஒரு கட்சியின் தலைவராக பொதுக்குழுவில் பங்கேற்று, விவாதித்து தீா்மானம் நிறைவேற்ற வேண்டும். ஆனால், பொதுக்குழுவை நடத்தக் கூடாது என்ற நோக்கத்தில் கட்சியின் தலைவரே கட்சியின் கட்டுப்பாடுகளை, கொள்கைகளை மீறி நீதிமன்றத்துக்குச் செல்கிறாா்.

கட்சிக் கட்டுப்பாட்டை மீறி நீதிமன்றம் சென்றால், அவரை கட்சியில் இருந்து நீக்க வேண்டும் என்பதே விதி. அப்படிப்பட்ட சூழ்நிலையில் ஓ.பன்னீா்செல்வம் உள்ளாட்சி இடைத்தோ்தலில் அதிமுக வேட்பாளா் அங்கீகார கடிதத்தில் (பி.பாா்ம்) கையொப்பமிடும் தாா்மிக உரிமையை இழந்து விட்டாா்.

அதிமுகவில் வலுவான, வலிமையான ஒற்றைத் தலைமை வேண்டும் என்ற நிலைப்பாட்டிலேயே பெரும்பாலானோா் உள்ளனா். தலைமை செயற்குழு உறுப்பினா்கள் 70 போ், மாவட்டச் செயலாளா்கள் 70 போ், சட்டப் பேரவை உறுப்பினா்கள் 63 போ், 2,580 பொதுக்குழு உறுப்பினா்கள் ஆகியோா் ஒற்றைத் தலைமை வேண்டுமென வலியுறுத்தி வருகின்றனா்.

அதிமுகவில் பல்வேறு பொறுப்புகளில் இருந்த ஓ.பன்னீா்செல்வம் ஆளுநா் மாளிகையில் முதல்வருடன் தேநீா் விருந்தில் கலந்துகொள்கிறாா். சட்டப் பேரவையில் முதல்வரைப் பாராட்டிப் பேசுகிறாா். இவற்றை அதிமுக தொண்டா்கள் ஏற்றுக்கொள்ள மாட்டாா்கள்.

திமுகவை எதிா்க்க வலிமையான ஒற்றைத் தலைமை தேவை. அதனால் எடப்பாடி பழனிசாமியை கட்சி நிா்வாகிகள் ஆதரிக்கிறாா்கள். எனவே, பொதுக்குழு திட்டமிட்டபடி நடைபெறும் என்றாா்.

பேட்டியின் போது, மாவட்டச் செயலாளா் அசோக்குமாா் எம்எல்ஏ, ஊத்தங்கரை எம்எல்ஏ தமிழ்செல்வம், மாவட்ட அவைத் தலைவா் காத்தவராயன், நகரச் செயலாளா் கேசவன், மாவட்ட பொதுக்குழு உறுப்பினா் கே.பி.எம்.சதீஷ்குமாா், முன்னாள் நகராட்சித் தலைவா் கே.ஆா்.சி.தங்கமுத்து, ஒன்றியச் செயலாளா்கள், நிா்வாகிகள் உடன் இருந்தனா்.

ADVERTISEMENT
ADVERTISEMENT