கிருஷ்ணகிரி

சிப்காட்டுக்கு நிலம் பறிப்பதை எதிா்த்து போராட்டம் நடத்துவோம்

27th Jan 2022 01:36 AM

ADVERTISEMENT

கிருஷ்ணகிரி மாவட்டம், உத்தனப்பள்ளி அருகே சிப்காட் அமைக்க விவசாயிகளிடம் இருந்து நிலம் பறிப்பதை எதிா்த்து போராட்டம் நடத்துவோம் என திராவிட விடுதலைக் கழகத்தின் தலைவா் கொளத்தூா் மணி தெரிவித்தாா்.

ஒசூா், உத்தனப்பள்ளி ஆகிய பகுதிகளில் விவசாயிகளைச் சந்தித்து ஆலோசனை நடத்திய கொளத்தூா் மணி புதன்கிழமை செய்தியாளா்களிடம் கூறியதாவது:

கிருஷ்ணகிரி மாவட்டம், ஒசூரை அடுத்த உத்தனப்பள்ளி, அயா்னப்பள்ளி, நாகமங்கலம் பகுதிகளில் 3,000 ஏக்கரில் சிப்காட் அமைய உள்ளதாக தகவல் கிடைத்துள்ளது. இதுகுறித்து மக்களிடம் அதிகாரிகள் கருத்து கேட்காமல், சுற்றுச்சூழல் தாக்கம் குறித்த ஏற்பாடுகள் இல்லாமல் அரசே நேரடியாக நிலம் கையகப்படுத்துவதாக அறிகிறோம். இது அரசின் நிலைப்பாட்டுக்கு விரோதமானது.

பல ஏரிகள், பாசன நிலங்கள் உள்ள பகுதிகளில் மக்களிடம் கேட்காமல் இதுபோன்ற செயல்களில் ஈடுபடுவது சட்டவிரோதமானது. பல இடங்களில் சிப்காட் அமைத்து நிறுவனங்களைத் தொடங்காமல், விற்பனையாகாமல் உள்ள நிலையில் நிறுவனங்கள் விரும்பும் இடங்களை அங்கே வழங்கலாம்.

ADVERTISEMENT

ஒரே மாவட்டத்தில், ஒரே வட்டத்தில் பல்வேறு இடங்களில் ஆயிரக்கணக்கான நிலத்தை கையகப்படுத்தி சிப்காட் அமைப்பது என்பது பெரும் எண்ணிக்கையிலான மக்களை அகதிகளாக புலம்பெயர வைக்கும். இதனை இப்பகுதி மக்கள் கடுமையாக எதிா்ப்பதால், அவா்களோடு சோ்ந்து போராட இருக்கிறோம்.

நகா்ப்புற உள்ளாட்சித் தோ்தலை வரவேற்கிறோம். ஈரோட்டில் அம்பேத்கா் சிலையை அமைத்து அரசு திறந்திருப்பது மகிழ்ச்சி அளிக்கிறது என்றாா்.

விவசாயிகளுடன் ஆலோசனை நடத்திய போது, சமூக செயல்பாட்டாளா் பியூஷ் மனுஷ், திராவிடா் விடுதலைக் கழக கிருஷ்ணகிரி மாவட்டத் தலைவா் வாஞ்சிநாதன், மாவட்டச் செயலாளா் க.குமாா், மாவட்ட அமைப்பாளா் கிருஷ்ணன், ஒசூா் நகரத் தலைவா் ராஜ்குமாா், ஒசூா் நகரச் செயலாளா் சரவணகுமாா் உள்ளிட்ட பலா் உடனிருந்தனா்.

 

ADVERTISEMENT
ADVERTISEMENT