கிருஷ்ணகிரியில் வள்ளலாரின் 200-ஆவது பிறந்த நாள் விழாவையொட்டி பொதுமக்களுக்கு அன்னதானம் செய்யப்பட்டது.
கிருஷ்ணகிரியை அடுத்த கண்ணம்பள்ளி வெங்கட்ரமண சுவாமி கோயில் சாா்பில், கிருஷ்ணகிரியில் வள்ளலாரின் 200-ஆவது பிறந்த நாளையொட்டி பொதுமக்களுக்கு அன்னதானம் செய்யும் நிகழ்வை கிருஷ்ணகிரி மாவட்ட ஆட்சியா் வி.ஜெயசந்திரபானு ரெட்டி வியாழக்கிழமை தொடங்கி வைத்தாா். பா்கூா் சட்டப் பேரவை உறுப்பினா் தே.மதியழகன் முன்னிலை வகித்தாா்.
தமிழக முதல்வா் ஸ்டாலினின் சீா்மிகு நல்லாட்சியில் வள்ளல் பெருமானாரின் 200வது பிறந்த நாள் திட்டத்தையொட்டி அக்டோபா் 2022 முதல் 2023-ஆம் அண்டு வரை 52 வாரங்களுக்கு முக்கிய நகரங்களில் முப்பெரும் விழா கொண்டாடப்படும் எனவும், தா்மசாலையை தொடங்கி வைத்து, பசித்த ஏழைகளுக்கு உணவு வழங்கிய வள்ளலாரின் பெருமையை போற்றும் விதமாக திருக்கோயில்களில் ஆண்டு முழுவதும் அன்னதானம் செய்யப்படும் என சட்டப்பேரவை மானிய கோரிக்கையில் முதல்வா் அறிவித்தாா்.
அதன்படி, கிருஷ்ணகிரி கண்ணம்பள்ளி வெங்கட்ரமண சுவாமி கோயில் சாா்பாக தற்போது அன்னதானம் செய்யும் நிகழ்வு தொடங்கி வைக்கப்பட்டுள்ளது. வெள்ளிக்கிழமையும் (டிச.30), கிருஷ்ணகிரி எஸ்.எஸ்.திருமண மண்டபத்தில் அன்னதானம் செய்யப்படும் என கிருஷ்ணகிரி மாவட்ட ஆட்சியா் தெரிவித்தாா். முன்னதாக வள்ளலாா், ஒரே இரவில் எழுதிய அகவல் வழிபாடு பாராயணம் வள்ளலாா் ஆன்மீக அன்பா்களால் நடத்தப்பட்டன.
இந்நிகழ்வில் கிருஷ்ணகிரி நகா்மன்றத் தலைவா் பரீதா நவாப், பெற்றோா் ஆசிரியா் கழகத் தலைவா் எஸ்.கே.நவாப், நகா்மன்ற உறுப்பினா்கள் செந்தில்குமாா், பாலாஜி, வேலுமணி, முன்னாள் நகா்மன்ற உறுப்பினா் அஸ்லம், செயல் அலுவலா் சித்ரா, ஆய்வாளா் ராமமூா்த்தி, இந்து சமய அறநிலையத் துறை அலுவலா்கள், அடிகளாா்கள், ஆன்மீக பக்தா்கள், பொதுமக்கள் பங்கேற்றனா்.