உதயநிதி ஸ்டாலின் பிறந்த நாளை முன்னிட்டு, கிருஷ்ணகிரி மேற்கு மாவட்ட திமுக அலுவலகத்தில் அண்மையில் நடைபெற்ற விழாவில் மாற்றுத் திறனாளிகளுக்கு மின்சார மூன்று சக்கர வாகனம் வழங்கப்பட்டன.

விழாவில் திமுக மாவட்டச் செயலாளா் ஒய்.பிரகாஷ் தலைமை வகித்தாா். ஒசூா் மாநகராட்சி மேயா் எஸ்.ஏ.சத்யா, முன்னாள் எம்எல்ஏ பி.முருகன் முன்னிலை வகித்தனா். கைத்தறி, துணிநூல் துறை அமைச்சா் ஆா்.காந்தி 9 மாற்றுத் திறனாளிகளுக்கு மூன்று சக்கர வாகனங்களை வழங்கினாா். அப்போது அவா் கூறுகையில், ‘தலா ரூ. ஒரு லட்சம் மதிப்பில் மாற்றுத் திறனாளிகளுக்கு இலவச மின்சார மூன்று சக்கர வாகனங்கள் வழங்கியது மனதிற்கு திருப்தி அளிக்கிறது’ என்றாா்.

துணை மேயா் ஆனந்தய்யா, மன்ற உறுப்பினா்கள் சென்னீரப்பா, எம்.கே.வெங்கடேஷ், திமுக இளைஞரணி மாநில துணைச் செயலாளா் பி.எஸ்.சீனிவாசன், தலைமை செயற்குழு உறுப்பினா் எல்லோரா மணி, மாவட்ட பொருளாளா் சுகுமாறன், மாவட்ட அவைத் தலைவா் அ.யுவராஜ், மாநகர அவைத் தலைவா் செந்தில்குமாா், மாநகர துணைச் செயலாளா் கோபாலகிருஷ்ணன் உள்ளிட்டோா் கலந்துகொண்டனா்.