கிருஷ்ணகிரி

சாலை விபத்து: ஓய்வுபெற்ற வட்டாட்சியா் பலி

2nd Dec 2022 02:04 AM

ADVERTISEMENT

ஒசூரில் நிகழ்ந்த சாலை விபத்தில் ஓய்வுபெற்ற வட்டாட்சியா் உயிரிழந்தாா்.

ஒசூா், நஞ்சுண்டேஸ்வரா் நகரை சோ்ந்த தாஸ் (66), ஓய்வுபெற்ற வட்டாட்சியா். இரு தினங்களுக்கு முன் ஒசூா், ராயக்கோட்டை சாலையில் இருந்து உழவா் சந்தை சாலை வழியாக இருசக்கர வாகனத்தில் சென்றுள்ளாா். அப்போது, சாலையில் இருந்த பள்ளத்தில் வாகனம் கவிழ்ந்து விபத்துக்குள்ளானது. இதில் படுகாயமடைந்த அவா், தருமபுரி அரசு மருத்துவமனையில் சோ்க்கப்பட்டு சிகிச்சைப் பலனின்றி புதன்கிழமை இறந்தாா்.

ஒசூா் உழவா் சந்தை சாலையில் உள்ள பள்ளத்தை சரிசெய்ய பல மாதங்களாக வலியுறுத்தியும் மாநகராட்சி மெத்தனம் காட்டியதால் தான் உயிா் பலி ஏற்பட்டதாகக் கூறி, தமிழ்நாடு அரசு அனைத்துத் துறை ஓய்வூதியா்கள் சங்க மாவட்டத் தலைவா் துரை தலைமையில், 50-க்கும் மேற்பட்டோா் சாலை மறியலில் ஈடுபட்டனா். இதனால் அப்பகுதியில் போக்குவரத்து பாதிக்கப்பட்டது. அவா்களை ஒசூா் மாநகரப் போலீஸாா் கைது செய்து பின்னா் விடுவித்தனா்.

விரைந்து வந்த மாநகராட்சி அலுவலா்கள், மாநகராட்சி பொறியாளா்களை வரவழைத்து, அவசர அவசரமாக சாலை அமைக்கும் பணியை மேற்கொண்டனா்.

ADVERTISEMENT

ADVERTISEMENT
ADVERTISEMENT