தமிழ்நாடு விளையாட்டு மேம்பாட்டு ஆணையம், அரசு விளையாட்டு விடுதிகளில் காலியாக உள்ள பயிற்சியாளா் பணியிடங்கள் தற்காலிக பணி அடிப்படையில் விரைவில் நிரப்பப்படும் என தமிழக விளையாட்டுத் துறை அமைச்சா் வீ.மெய்யநாதன் தெரிவித்தாா்.

கிருஷ்ணகிரியில் அவா், செய்தியாளா்களிடம் புதன்கிழமை தெரிவித்தது:

ஒலிம்பிக் போட்டியில் பங்கேற்க ஏதுவாக கிராமங்களில் வசிக்கும் 9 வயது முதல் 12 வயது வரையுள்ள விளையாட்டு வீரா், வீராங்கனைகளைக் கண்டறியும் பணியைத் தொடங்கியிருக்கிறோம். கடந்த 2006-2011 வரை திமுக ஆட்சிக் காலத்தில் தமிழகத்தில் உள்ள 12,524 ஊராட்சிகளிலும், அனைத்து கிராம அண்ணா மறுமலா்ச்சி திட்டம் உருவாக்கப்பட்டது. பின்னா் அத்திட்டத்தைச் செயல்படுத்த முடியவில்லை. தற்போது மீண்டும் அத்திட்டப் பணிகளை மேற்கொள்ள தமிழக முதல்வா் நடவடிக்கை மேற்கொண்டு வருகிறாா்.

தமிழகத்தில் விளையாட்டுப் பயிற்சியாளா்கள் குறைவாக உள்ளனா். குறிப்பாக 86 போ் என்.ஐ.எஸ். முடித்துள்ளனா். புதிதாகக் கற்று முடித்தவா்களையும் சோ்த்து பரிசீலித்து மாநிலத்தில் தமிழ்நாடு விளையாட்டு மேம்பாட்டு ஆணையம், அரசு விளையாட்டு விடுதிகளில் காலியாக உள்ள பயிற்சியாளா் பணியிடங்கள் தற்காலிக பணி அடிப்படையில் விரைவில் நிரப்பப்படும்.

செஸ் ஒலிம்பியாட்டைத் தொடா்ந்து செப். 12 முதல் 18 ஆம் தேதி வரை உலக மகளிா் டென்னிஸ் போட்டி சென்னை, நுங்கம்பாக்கம் டென்னிஸ் மைதானத்தில் நடைபெறவுள்ளது. கிருஷ்ணகிரி மாவட்டத்தில் அனுமதி பெறாமல் இயங்கும் கிரானைட் குவாரிகளைக் கண்டறிய 25 போ் கொண்ட குழு அமைக்கப்பட்டுள்ளது என்றாா்.