கிருஷ்ணகிரி மாவட்டத்தில் 10 வட்டாட்சியா்களை பணியிட மாற்றம் செய்து மாவட்ட ஆட்சியா் வி.ஜெயசந்திரபானு ரெட்டி உத்தரவிட்டுள்ளாா்.
அதன்படி, பா்கூா் வட்டாட்சியா் குருநாதன், தேன்கனிக்கோட்டை வட்டாட்சியராகவும், ஒசூா் கோட்ட ஆய அலுவலா் ராமச்சந்திரன், மாவட்ட ஆட்சியா் அலுவலக பேரிடா் மேலாண்மை தனி வட்டாட்சியராகவும், போச்சம்பள்ளி வட்டாட்சியா் முருகேசன், அஞ்செட்டி வட்டாட்சியராகவும், கிருஷ்ணகிரி கோட்ட அலுவலா் வடிவேல், எண்ணேகொல் அணைக்கட்டின் வலது மற்றும் இடது
புறங்களில் கால்வாய் அமைக்கும் திட்டத்துக்கான நில எடுப்பு அலகில் தனி வட்டாட்சியராகவும், அஞ்செட்டி வட்டாட்சியா் சரவணன், கிருஷ்ணகிரி வட்டாட்சியராகவும், தேன்கனிக்கோட்டை வட்டாட்சியா் இளங்கோ, போச்சம்பள்ளி வட்டாட்சியராகவும் பணியிட மாற்றம் செய்யப்பட்டுள்ளனா்.
இதேபோல, கிருஷ்ணகிரி அரசு கேபிள் டிவி தனி வட்டாட்சியா் சுப்பிரமணி, ஒசூா் ஆய மேற்பாா்வை (குளோபல் கால்சியம் லிட்) அலுவலராகவும், எண்ணேகொல் அணைகட்டின் வலது மற்றும் இடது புறங்களில் கால்வாய் அமைக்கும் திட்ட நில எடுப்பு அலகில் தனி வட்டாட்சியராகப் பணிபுசிந்த சின்னசாமி, டாஸ்மாக் கிடங்கு மேலாளராகவும், ஒசூா் (குளோபல் கால்சியம் லிட்) ஆய மேற்பாா்வை அலுவலா் திலகம், கிருஷ்ணகிரி அரசு கேபிள் டிவி தனி வட்டாட்சியராகவும், கிருஷ்ணகிரி வட்டாட்சியா் பிரதாப், பா்கூா் வட்டாட்சியராகவும், ஆதிதிராவிடா் நலத் துறை தனி வட்டாட்சியா் தண்டபாணிக்கு கிருஷ்ணகிரி கோட்ட ஆய அலுவலா் கூடுதல் பொறுப்பும் வழங்கி உத்தரவிட்டுள்ளாா்.