தேக்கு மரங்களை வெட்டியவா் கைது

ஒசூா்: ஒசூா் அருகே தனியாா் நிறுவனத்தில் தேக்கு மரங்களை வெட்டியவரை போலீஸாா் கைது செய்தனா்.

கிருஷ்ணகிரி மாவட்டம், தேன்கனிக்கோட்டை பகுதியைச் சோ்ந்த கிருஷ்ணன் (47), ஒசூா் அருகே உள்ள குந்துமாரனப்பள்ளி பகுதியில் உள்ள தனியாா் நிறுவனத்தில் காவலாளியாக வேலை பாா்த்து வருகிறாா். அண்மையில் அதே பகுதியைச் சோ்ந்த ராஜேஷ் (எ) பாபு (38), தனியாா் நிறுவன வளாகத்தில் உள்ள ஆறு தேக்கு மரங்களை வெட்டியுள்ளாா். இதுகுறித்து தட்டிக்கேட்ட கிருஷ்ணனை தாக்கியுள்ளாா். கிருஷ்ணன் அளித்த புகாரின் பேரில், கெலமங்கலம் போலீஸாா் பாபுவைக் கைது செய்தனா்.