கிருஷ்ணகிரி

ரேஷன் அரிசி கடத்தல்: வியாபாரி கைது

7th Jul 2021 11:28 PM

ADVERTISEMENT

வேப்பனஅள்ளி வழியாக கா்நாடகத்துக்கு கடத்த முயன்ற 1,050 கிலோ ரேஷன் அரிசியை பறிமுதல் செய்த போலீஸாா், வியாபாரியைக் கைது செய்தனா்.

கிருஷ்ணகிரி மாவட்டம், வேப்பனஅள்ளி வழியாக கா்நாடகத்துக்கு ரேஷன் அரிசி கடத்தப்படுவதாக உணவு பொருள் கடத்தல் தடுப்புப் பிரிவு போலீஸாருக்கு தகவல் கிடைத்தது. இதையடுத்து, காவல் ஆய்வாளா் இளவரசி, உதவி காவல் ஆய்வாளா்கள் முரளி, சிவசாமி ஆகியோா் வேப்பனஅள்ளி மற்றும் அதை சுற்றியுள்ள பகுதிகளில் வாகனத் தணிக்கை மேற்கொண்டனா்.

அப்போது, வரட்டனப்பள்ளி சாலையில் இரு சக்கர வாகனத்தில் சென்றவரை நிறுத்தி விசாரணை நடத்தினா். அதில், அவா் நேரலப்பள்ளி அருகே உள்ள ஆக்கல் நத்தம் கிராமத்தைச் சோ்ந்த தேவேந்திரன் (25) என்பதும், வரட்டனப்பள்ளி மற்றும் அதை சுற்றியுள்ள பகுதிகளில் குடும்ப அட்டைதாரா்களிடமிருந்து ரேஷன் அரிசியை விலைக்கு வாங்கி கா்நாடக மாநிலம், கோலாா் தங்கவயல் பகுதிக்கு கடத்திச் செல்வதும் கண்டுபிடிக்கப்பட்டது. இதையடுத்து, அவரைக் கைது செய்த போலீஸாா் 1,050 கிலோ ரேஷன் அரிசி, கடத்தலுக்கு பயன்படுத்திய மோட்டாா் சைக்கிளை பறிமுதல் செய்தனா்.

ADVERTISEMENT
ADVERTISEMENT