கிருஷ்ணகிரி

இன்னுயிா் காப்போம் திட்டத்தில்அதிகாரிகள் ஆய்வு

4th Dec 2021 11:18 PM

ADVERTISEMENT

கிருஷ்ணகிரி மாவட்டத்தில் அரசின் ‘இன்னுயிா் காப்போம்’ திட்டத்தின் கீழ் சாலை விபத்துகளைத் தடுப்பது குறித்து அலுவலா்கள் சனிக்கிழமை ஆய்வு மேற்கொண்டனா்.

சாலை விபத்துகளைத் தடுக்கும் வகையில் தமிழக அரசு ‘இன்னுயிா் காப்போம்’ என்ற திட்டத்தைத் தொடங்கியுள்ளது. அதன்படி, கிருஷ்ணகிரியை சுற்றியுள்ள பகுதியில் அதிக விபத்துகள், உயிரிழப்புகள் நிகழ்ந்துள்ள கந்திகுப்பம், அவதானப்பட்டி, ராயக்கோட்டை மேம்பாலம், சுங்க வசூல் மையம், குருபரப்பள்ளி திம்மாபுரம், சூளகிரி, மேலுமலை உள்ளிட்ட 50-க்கும் மேற்பட்ட இடங்கள் அடையாளம் காணப்பட்டுள்ளன.

அந்த இடங்களில் நெடுஞ்சாலைத் துறை, காவல் துறை அலுவலா்கள் விபத்துகளைத் தடுப்பது குறித்து ஆய்வு செய்து வருகின்றனா். கிருஷ்ணகிரி, ராயக்கோட்டை மேம்பாலம் அருகில் சனிக்கிழமை நடைபெற்ற ஆய்வுப் பணியில் கூடுதல் காவல் கண்காணிப்பாளா் விவேகானந்தன், துணைக் காவல் கண்காணிப்பாளா் விஜயராகவன், வட்டாரப் போக்குவரத்து வாகன ஆய்வாளா்கள் மாணிக்கம், அன்புச்செல்வன், தேசிய நெடுஞ்சாலை பராமரிப்புப் பொறியாளா் ரமேஷ்பாபு உள்ளிட்டோா் சாலைகளில் எந்தெந்த பகுதியில் புதிதாக அறிவிப்புப் பலகைகள், சிக்னல்களை வைக்க வேண்டும் என ஆய்வு நடத்தினா்.

ADVERTISEMENT

MORE FROM THE SECTION

ADVERTISEMENT