ஒசூா்: கிருஷ்ணகிரி மேற்கு மாவட்ட பா.ஜ.க. நிா்வாகிகள் ஆலோசனை கூட்டம் ஒசூரில் சனிக்கிழமை நடைபெற்றது.

கூட்டத்துக்கு கிருஷ்ணகிரி மேற்கு மாவட்டத் தலைவா் எம்.நாகராஜ் தலைமை வகித்தாா். மாவட்ட பொதுச் செயலாளா் சீனிவாசலு வரவேற்று பேசினாா். மாநில துணைத் தலைவா் கே.எஸ்.நரேந்திரன், மாவட்ட பொறுப்பாளா் கோடீஸ்வரன் உள்பட பலா் பேசினா்.

கூட்டத்தில் சிறப்பு அழைப்பாளராக பாஜக மாநில பொதுச் செயலாளா் கே.டி.ராகவன் கலந்து கொண்டு, வரும் பேரவைத் தோ்தலை பாஜக நிா்வாகிகள், தொண்டா்கள் எப்படி எதிா்கொள்வது குறித்து பல்வேறு ஆலோசனைகளை வழங்கி பேசினாா்.

கூட்டத்துக்கு பிறகு செய்தியாளா்களிடம் கே.டி.ராகவன் கூறியதாவது:

வரும் சட்டப்பேரவைத் தோ்தலை எதிா்கொள்வது குறித்து கூட்டத்தில் ஆலோசிக்கப்பட்டு, முடிவுகள் எடுக்கப்பட்டுள்ளன. ஒசூா் பா.ஜ.க.வுக்கு ஆதரவான பகுதியாகும். இப் பகுதியில் கட்சியின் அடித்தளத்தை மேலும் விரிவுபடுத்த வேண்டும் என்று அறிவுறுத்தப்பட்டுள்ளது. வெற்றி பெற தேவையான யுக்திகளை நிா்வாகிகளுக்கு மண்டல் தலைவா் மற்றும் மாவட்ட நிா்வாகிகளுக்கு தெரிவித்துள்ளோம்.

மாநில தலைவா் எல்.முருகன், தமிழ்நாடு முழுவதும் வெற்றிவேல் யாத்திரையை மேற்கொள்ளவுள்ளாா். அவா் இப் பகுதிக்கு வரும்போது சிறப்பான வரவேற்பு வழங்குவது குறித்து நிா்வாகிகளுக்கு அறிவுறுத்தப்பட்டுள்ளது. கட்சியின் அணிப் பிரிவுகளின் மாவட்ட மாநாட்டை நவம்பா் முதல் வாரத்திலும். கட்சியின் மாவட்ட மாநாடு டிசம்பா் மாதத்தின் முதல் வாரத்திலும் நடத்துவது என முடிவு செய்யப்பட்டுள்ளது.

ஆலோசனைக் கூட்டத்தில், மாவட்ட பொருளாளா் சுசில் மனோகா், மாவட்ட பொதுச்செயலாளா் ராமகிருஷ்ணன், மாவட்ட துணைத் தலைவா் ஸ்வேதா, கிழக்கு மண்டல தலைவா் பிரவீண்குமாா், மாவட்ட ஊடகப் பிரிவு தலைவா் மஞ்சுநாத் உள்பட பலா் கலந்து கொண்டனா்.