கிருஷ்ணகிரி

கிருஷ்ணகிரி அணையிலிருந்து வண்டல் மண் அள்ள அனுமதி

11th May 2020 07:46 PM

ADVERTISEMENT

கிருஷ்ணகிரி:கிருஷ்ணகிரி அணை மற்றும் அரசிதழில் பிரசுரம் பெற்ற ஏரிகளில் இருந்து விவசாயிகள், மண்பாண்ட தொழிலாளா்கள் வண்டல் மண்ணை அள்ள அனுமதி அளிக்கப்பட்டுள்ளதாக கிருஷ்ணகிரி மாவட்ட ஆட்சியா் சு.பிரபாகா், திங்கள்கிழமை தெரிவித்துள்ளாா்.இதுகுறித்து, அவா், வெளியிட்ட செய்திக் குறிப்பு:தமிழக முதல்வரின் ஆணைப்படி, கிருஷ்ணகிரி அணை மற்றும் அரசிதழில் பிரசுரம் பெற்ற ஏரிகளில் விவசாயம் மற்றும் மண்பாண்ட தொழிலாளா்களுக்கு வண்டல் மண் மற்றும் களி மண் அள்ள சம்பந்தப்பட்ட வட்டாட்சியா்களால் அனுமதி அளிக்கப்படுகிறது. தற்போது, கரோனா வைரஸ் நோய் தொற்று பரவுதலுக்கான தடுப்பு பணிகள் தீவிரமாக நடைபெற்று வருவதால், பொது மக்கள் சம்பந்தப்பட்ட கிராம நிா்வாக அலுவலரிடம் உரிய ஆவணங்களை வழங்கி, அவா் மூலம் வட்டாட்சியரின் அனுமதி பெற்று, அரசு விதிகளின்படி விவசாயம் மற்றும் மண்பாண்ட தொழிலுக்கு பயன்படுத்திக் கொள்ளுமாறு கேட்டுக் கொள்ளப்படுகிறாா்கள். மேலும், மண் அள்ள அலுவலகங்களில் சமூக இடைவெளியைப் பின்பற்ற வேண்டும். அதேபோல முக கவசம், கிருமி நாசினியை கட்டாயம் பயன்படுத்தி வைரஸ் நோய் தொற்று பரவுதலைத் தடுக்க உதவி வேண்டும் என அதில் அவா் கேட்டுக் கொண்டுள்ளாா்.

ADVERTISEMENT
ADVERTISEMENT