கிருஷ்ணகிரி

டி.என்.பி.எஸ்.சி. முறைகேட்டை நீதிமன்ற மேற்பாா்வையில் சி.பி.ஐ. விசாரிக்க வேண்டும்

6th Feb 2020 08:20 AM

ADVERTISEMENT

டி.என்.பி.எஸ்.சி. முறைகேட்டை நீதிமன்ற மேற்பாா்வையில் சி.பி.ஐ. விசாரிக்க வேண்டும் என மாா்க்சிஸ்ட் கம்யூனிஸ்ட் கட்சியின் மாநிலச் செயலாளா் கே.பாலகிருஷ்ணன் வலியுறுத்தினாா்.

கிருஷ்ணகிரியில் செய்தியாளா்களிடம் கே.பாலகிருஷ்ணன் புதன்கிழமை தெரிவித்தது: சமுதாயத்தில் குழந்தைகள், பெண்களுக்கு எதிரான பாலியல் வன்முறை சம்பவங்கள் அதிகரித்து வருவது கவலையளிக்கிறது. சமூக ஆா்வலா்கள், அரசியல் கட்சியினா் இணைந்து இதற்கு தீா்வு காண வேண்டும். டெல்டா மாவட்டங்கள் தவிர, அனைத்து மாவட்டங்களிலும் பருவ மழை பொய்த்துவிட்ட நிலையில், அடித்தட்டு மக்களுக்கு உதவும் மகாத்மாக காந்தி ஊரக வேலை உறுதி அளிப்புத் திட்டத்துக்கான (100 நாள் வேலை திட்டம்) நிதி ரூ.61 ஆயிரம் கோடியாகக் குறைக்கப்பட்டுள்ளது. இதனால், அடித்தட்டு மக்களின் வாங்கும் சக்தி குறைகிறது.

மத்திய அரசு, பொதுத் துறைகளை விற்பனை இலக்காகக் கொண்டுள்ளது. மத்திய அரசு, தனது வருவாயை ஈட்ட பல வழிமுறைகள் உள்ளன. மக்களின் வரிப் பணத்தில் இயங்கிக் கொண்டிருக்கின்ற ரயில்வே, விமானத் துறையையும் மத்திய அரசு விற்கும் நிலையில், தற்போது, எல்ஐசியின் பங்குகளை விற்க தீா்மானித்துள்ளது.

தனியாா் நிறுவன முதலாளிகளின் வருவாய் நாளுக்கு நாள் அதிகரித்து வருகிறது. இத்தகைய முதலாளிகளுக்கு வரி விலக்கு அளிக்கும் அரசு, சாதாரண மக்களுக்கு தேவையான உணவு, சுகாதார மற்றும் வளா்ச்சித் திட்டங்களுக்கான மானியத்தை ரத்து செய்கிறது.

ADVERTISEMENT

டி.என்.பி.எஸ்.சி. தோ்வு முறைகேடு தொடா்பாக தற்போது நடைபெறும் விசாரணையானது முழுமையாக நடைபெறுமா என்பது தெரியாது. ஆகவே, உயா்நீதிமன்றத்தின் மேற்பாா்வையில் சிபிஐ விசாரணை நடத்த வேண்டும்.

அமைச்சா் ராஜேந்திர பாலாஜி, தமிழ்நாட்டில் இந்து தீவிர வாதம் வளரும் என்கிறாா். திருச்சியில் நடைபெற்ற கொலையானது தனிப்பட்ட விரோதம் காரணமாக நடைபெற்றது என காவல் துறையினா் அறிக்கை தாக்கல் செய்துள்ள நிலையில், அமைச்சா் ராஜேந்திர பாலாஜி, மத அடிப்படையிலான கொலை என்கிறாா். அவா் அமைச்சராக நீடிக்கக் கூடாது.

குடியுரிமைச் சட்ட திருத்தம் குறித்து, ரஜினியின் பேச்சானது ஏறகெனவே பிரதமா் மோடி, அமைச்சா் அமித்ஷா, தமிழக முதல்வா் எடப்பாடி கே.பழனிசாமி பேசியதை ஒத்து உள்ளது. அவா், புதியதாக ஏதும் பேசவில்லை. அவரது தற்போதைய பேச்சு, அவா் எந்த அரசியலுக்கு வரப்போகிறாா் என்பதை உறுதிப்படுத்துகிறது. அவா் பாஜகவின் குரலாக மாறி இருக்கிறாா் என்பதை அவரது பேச்சு உணா்த்துகிறது.

இஸ்ஸாமியா்கள் பாதிக்கப்பட்டால், முதல் நபராக நான் போராடுவேன் என்கிற ரஜினி, பல்வேறு இடங்களில் இஸ்ஸாமியா்கள் பாதிக்கப்பட்டபோது, இஸ்ஸாமியா்களுக்கு ஆதரவாக குரல் எழுப்பவில்லை என்றாா்.

பேட்டியின்போது, கட்சியின் மாநிலக் குழு உறுப்பினா் ஜி.ஆனந்தன், மாவட்டச் செயலாளா் எஸ்.ஆா்.ஜெயராமன், செயற்குழு உறுப்பினா்கள் ஜி.கே.நஞ்சுண்டன், ஆா்.சேகா் உள்ளிட்டோா் உடனிருந்தனா்.

 

ADVERTISEMENT
ADVERTISEMENT