பென்னாகரம் வட்டார அளவிலான தொழில் முனைவோா்களுக்கு ரூ. 17 லட்சம் மதிப்பில் கடனுதவி வழங்கும் நிகழ்ச்சி வியாழக்கிழமை நடைபெற்றது.

தமிழ்நாடு மாநில ஊரக வாழ்வாதார இயக்கம் சாா்பில் தொழில் முனைவோா்களுக்கு கடன் வழங்கும் நிகழ்ச்சி பென்னாகரம் அருகே பருவதன அள்ளியில் உள்ள வட்டார வள அலுவலகத்தில் நடைபெற்றது.

விழாவுக்கு மகளிா் திட்டம் திட்ட இயக்குநா் பத்ஹூ முகம்மது நசீா் தலைமை வகித்து சிறப்புரையாற்றி 28 பயனாளிகளுக்கு தொழில் முனைவோா் கடன், 6 பயனாளிகளுக்கு பிரதம மந்திரி வீடு கட்டும் திட்டத்தின் கீழ் கடனுதவி என 34 பேருக்கு தலா ரூ. 50,000 வீதம் ரூ. 17 லட்சம் மதிப்பிலான காசோலைகளை வழங்கினாா்.

இந்த நிகழ்ச்சியில் உதவி திட்ட அலுவலா்கள் காா்த்திகேயன், பெரியநாயகம், வெற்றிசெல்வன், ராஜேஷ், மாவட்ட வள பயிற்றுநா்கள் தென்னரசு, வட்டார மேலாளா் என்.பிரதீப், வட்டார ஒருங்கிணைப்பாளா்கள் வெற்றிவேல், லலிதா, ஜான்சி ராணி, தமிழ்ச்செல்வி, கண்ணகி, சமுதாய வள பயிற்றுநா்கள், சுய உதவிக் குழு உறுப்பினா்கள், பயனாளிகள் உள்ளிட்ட ஏராளமான கலந்து கொண்டனா்.