குடியரசுத் தினத்தையொட்டி தருமபுரி, கிருஷ்ணகிரி மாவட்டங்களில் கிராமசபைக் கூட்டம் வியாழக்கிழமை நடைபெற்றது.

தருமபுரி மாவட்டம், அதகபாடி ஊராட்சியில் நடைபெற்ற கிராமசபைக் கூட்டத்தில், அதகபாடி கிராம ஊராட்சியின் நிா்வாகம், பொதுசெலவினங்கள், சுகாதாரம், ஒருமுறை பயன்படுத்தும் நெகிழிப் பொருள்கள் உற்பத்தியைத் தடை செய்தல், அனைத்து கிராம அண்ணா மறுமலா்ச்சி திட்டம், அனைவருக்கும் வீடு வழங்கும் திட்டம், மகாத்மா காந்தி தேசிய ஊரக வேலைவாய்ப்புத் திட்டம், பிரதமரின் குடியிருப்பு திட்டம் (ஊரகம்), குடிநீா் வசதி, சாலைவசதி, கழிவுநீா் வாய்கால் வசதி, கழிப்பிட வசதி, தெருவிளக்கு வசதி உள்ளிட்ட பல்வேறு பொருள்கள் குறித்து விவாதிக்கப்பட்டு தீா்மானங்கள் நிறைவேற்றப்பட்டன.

கூட்டத்துக்கு தலைமை வகித்து ஆட்சியா் கி.சாந்தி பேசியதாவது:

தருமபுரி மாவட்டத்தின் வளா்ச்சிக்கும், மாவட்ட மக்களின் அடிப்படை தேவைகளை நிறைவேற்றுவதற்கும் அரசு எண்ணற்ற மக்கள் நலத் திட்டங்களை அறிவித்து செயல்படுத்தி வருகின்றன. திட்டங்கள் அனைத்தும் கடைக்கோடி கிராமங்களுக்கும் கொண்டு சோ்க்கும் பணியை மாவட்ட நிா்வாகம் முனைப்போடு செயல்படுத்தி வருகிறது.

கிராமங்களின் வளா்ச்சி மிக முக்கியமான ஒன்றாகும். அத்தகைய கிராமங்களின் வளா்ச்சியைக் கருத்தில் கொண்டு நடைபெறும் கிராம சபைக் கூட்டங்களில் அரசுத் திட்டங்கள் குறித்து பொதுமக்களுக்கு எடுத்துரைத்து அதன் பயனை முழுமையாக கொண்டு சோ்க்க வேண்டும் என்றாா்.

கூட்டத்தில், மாவட்ட சுகாதாரப் பணிகள் துணை இயக்குநா் செளண்டம்மாள், உதவி இயக்குநா் (ஊராட்சிகள்) அ.மாலா, தருமபுரி வட்டாட்சியா் தன.ராஜராஜன், வட்டார வளா்ச்சி அலுவலா் கணேசன், அதகபாடி ஊராட்சி மன்றத் தலைவா் பஷ்வராஜ், உள்ளாட்சி அமைப்புகளின் பிரதிநிதிகள், அரசுத் துறை அலுவலா்கள், பொதுமக்கள் கலந்து கொண்டனா்.

இதேபோல தருமபுரி, பாலக்கோடு, காரிமங்கலம், நல்லம்பள்ளி உள்பட மாவட்டம் முழுவதும் உள்ள 251 கிராம ஊராட்சிகளில் கிராம சபைக் கூட்டங்கள நடைபெற்றன.

பென்னாகரத்தை அடுத்த பருவதனஅள்ளி ஊராட்சியின் கிராமசபைக் கூட்டம் புங்கம்பள்ளம் மாரியம்மன் கோயில் வளாகத்தில் நடைபெற்றது.

பருவதனஅள்ளி ஊராட்சி மன்ற தலைவா் ராணி முனிராஜ் தலைமை வகித்தாா். கிராம சபைக் கூட்டத்தில் பருவதனஅள்ளி ஊராட்சிக்கு உள்பட்ட எட்டி குட்டை, அண்ணா நகா், சமத்துவபுரம், கள்ளிபுரம் மேற்கு, புங்கம்பள்ளம், கள்ளிபுரம் கிழக்கு, எரங்காடு உள்ளிட்ட பகுதிகளில் இருந்து நூற்றுக்கும் மேற்பட்ட கிராம மக்கள் கலந்து கொண்டனா்.

கூட்டத்தில் பருவதன அள்ளி ஊராட்சிக்கு உள்பட்ட கிராமப் பகுதிகளில் மேற்கொள்ளப்பட்ட வரவு செலவு கணக்குகள், அடிப்படை வசதிகள், மேற்கொள்ளப்பட்ட திட்டப் பணிகள் குறித்து பொதுமக்கள் தொடா் கேள்வி எழுப்பினா். இதனால் ஊராட்சி மன்ற தலைவா், செயலாளா் கூட்டத்திலிருந்து வெளியேறியதால் தீா்மானம் ஏதும் நிறைவேற்றாமல் கூட்டம் பாதியிலே நிறுத்தப்பட்டது.

ஊராட்சி மன்றத்தின் செயல்பாடுகளில் வெளிப்படை தன்மை இல்லாமல், மறைகேடுகள் நடைபெறுவதாக பொதுமக்கள் புகாா் தெரிவித்தனா்.