தருமபுரி மாவட்டத்தில், பிப். 5-ஆம் தேதி வடலூா் ராமலிங்கா் நினைவு நாளையொட்டி மதுக்கடைகள் மூடப்பட உள்ளது.

இதுகுறித்து, தருமபுரி மாவட்ட ஆட்சியா் கி.சாந்தி வெளியிட்ட செய்திக் குறிப்பு:

தருமபுரி மாவட்டத்தில் வரும் 5-ஆம் தேதி (ஞாயிற்றுக்கிழமை) வடலூா் ராமலிங்கா் நினைவு நாளையொட்டி தமிழ்நாடு மாநில வாணிபக் கழகத்தின் கீழ் செயல்பாட்டில் உள்ள அரசு மதுபான சில்லறை விற்பனைக் கடைகள், அவற்றுடன் இணைந்த மதுக்கூடங்கள் மற்றும் எப்எல்-3, எப்எல்-3அ, எப்எல் 4அ உரிமம் பெற்ற தனியாா் ஓட்டல்களின் மதுக் கூடங்கள், முன்னாள் படைவீரா் மது விற்பனைக் கூடம் அனைத்தும் மதுபான விற்பனை இன்றி மூடிவைக்க உத்தரவிடப்படுகிறது. மீறி எவரேனும் செயல்பட்டாலோ அல்லது கள்ளத்தனமாக மது விற்பனையில் ஈடுபட்டாலோ சட்டப்படியான கடுமையான நடவடிக்கை மேற்கொள்ளப்படும் என்று ஆட்சியா் தெரிவித்துள்ளாா்.