பென்னாகரத்தில் தருமபுரி கிழக்கு மாவட்டச் செயலாளா் உள்ளிட்ட புதிய நிா்வாகிகளுக்கு வரவேற்பு அளிக்க வந்த திமுகவினா் காா்கள் சாலையில் நிறுத்தப்பட்டதால் மற்ற வாகனங்கள் செல்ல முடியாமல் கடும் போக்குவரத்து நெரிசல் ஏற்பட்டது.

திமுக சாா்பில் தருமபுரி, பென்னாகரம் சட்டப்பேரவை தொகுதிகளை உள்ளடக்கிய கிழக்கு மாவட்டச் செயலாளராக தடங்கம் பெ.சுப்பிரமணியை அண்மையில் திமுக பொதுச் செயலாளா் துரைமுருகன் அண்மையில் அறிவித்திருந்தாா். அதனைத் தொடா்ந்து பென்னாகரம் சட்டப்பேரவை தொகுதிக்குட்பட்ட பாப்பாரப்பட்டி, பென்னாகரம், ஏரியூா் பகுதிகளில் புதிய மாவட்டச் செயலாளா், நிா்வாகிகளுக்கு வரவேற்பு, அந்தந்த பகுதி கட்சி நிா்வாகிகளை சந்திப்பதற்காக நிகழ்வுகள் மாவட்ட திமுக சாா்பில் திங்கள் கிழமை நடைபெற்றன.

அதற்காக தருமபுரி கிழக்கு மாவட்டச் செயலாளா் தடங்கம் பெ.சுப்பிரமணி மற்றும் புதிதாக தோ்வு செய்யப்பட்ட மாவட்ட அளவிலான நிா்வாகிகள் பென்னாகரம் பகுதிக்கு வந்திருந்தாா். பென்னாகரம் நகர திமுக சாா்பில் பழைய பேருந்து நிலையம் பகுதியில் கிழக்கு மாவட்டச் செயலாளா் தடங்கம் பெ. சுப்பிரமணிக்கு, கட்சி நிா்வாகிகள் மற்றும் தொண்டா்கள் மாலை அணிவித்து வரவேற்பு அளித்து பொதுமக்களுக்கு இனிப்புகள் வழங்கினா்.

அதனைத் தொடா்ந்து பெண்ணாகரம் அரசு மாவட்ட தலைமை மருத்துவமனை எதிரே உள்ள அம்பேத்கா் சிலை மற்றும் பென்னாகரம் காவல் நிலையம் எதிரே உள்ள பெரியாா் சிலைகளுக்கு அவா் மாலை அணிவித்தாா். இந்த நிகழ்விற்காக சுமாா் 10-க்கும் மேற்பட்ட நான்கு சக்கர வாகனங்கள் மற்றும் 50க்கும் மேற்பட்ட இருசக்கர வாகனங்களில் நிா்வாகிகள் மற்றும் திமுகவினா் வந்திருந்தனா். பென்னாகரம் பழைய பேருந்து நிலையம் பகுதியில் நடைபெற்ற வரவேற்பு நிகழ்ச்சி சுமாா் அரை மணி நேரத்திற்கு மேலாக நீடித்தது.

இந்த வரவேற்பு நிகழ்ச்சிக்காக வந்திருந்த நிா்வாகிகள் மற்றும் தொண்டா்கள் வந்த வாகனங்களை சாலையின் ஓரங்களில் நிறுத்தாமல், நகர சாலையின் நடுவே வாகனங்களை நிறுத்தியதால் பழைய பேருந்து நிலையம் முதல் முள்ளுவாடி பேருந்து நிறுத்தம் வரை நகரின் பிரதான சாலையில் வேறு வாகனங்கள் செல்ல முடியாத நிலை ஏற்பட்டு கடும் போக்குவரத்து நெரிசல் நிலவியது. இதனால் அன்றாட தேவைகளுக்கான பொருள்களை வாங்க வருவோா்கள் மற்றும் இதர பணிகளுக்காக செல்வோா் இரு சக்கர மற்றும் நான்கு சக்கர வாகனங்களில் செல்ல முடியாமல் தவித்தனா். இதனைக் கண்ட போலீஸாா் போக்குவரத்து நெரிசலை சீா் செய்யும் பணியில் ஈடுபட்ட போதிலும், வரவேற்பு நிகழ்விற்காக சாலையில் கூடிய கட்சி நிா்வாகிகளால் ஒரு மணி நேரத்திற்கு மேலாக போக்குவரத்து நெரிசல் நீடித்தது.