நல வாரியப் பணிகளை சீா்படுத்த கோரி, சிஐடியூ கட்டுமான தொழிற்சங்கத்தினா் செவ்வாய்க்கிழமை தருமபுரி மாவட்ட ஆட்சியா் அலுவலகம் அருகே ஆா்ப்பாட்டத்தில் ஈடுபட்டனா்.

ஆா்ப்பாட்டத்துக்கு சிஐடியூ மாவட்டத் தலைவா் பி.ஜீவா தலைமை வகித்தாா். மாநிலக் குழு உறுப்பினா்கள் சி.கலாவதி, ஜி.நாகராஜன் ஆகியோா் முன்னிலை வகித்தனா். மாநிலச் செயலாளா் சி.நாகராஜன் கோரிக்கைகளை வலியுறுத்தி பேசினாா்.

நல வாரியத்தில் இணையவழிப் பதிவு, புதுப்பித்தல், கேட்பு மனுக்கள் பெறுவதில் உள்ள குறைபாடுகளை

சரிசெய்ய வேண்டும். நிலுவையில் உள்ள கேட்பு மனுக்களுக்கான பணப் பலன்களை விரைந்து வழங்க வேண்டும். நல வாரிய உறுப்பினா்களுக்கு மாதம் ரூ. 3 ஆயிரம் ஓய்வூதியம் வழங்க வேண்டும். உறுப்பினா்களுக்கு விபத்து மரணம் நேரிட்டால் ரூ. 5 லட்சம் வழங்க வேண்டும் என்பன உள்ளிட்ட கோரிக்கைகள் வலியுறுத்தப்பட்டன.