மத்திய அரசுக்கு எதிராக ஆக. 30-ஆம் தேதி தருமபுரியில் மறியல் போராட்டம் நடத்துவது என இந்திய கம்யூனிஸ்ட் கட்சி கூட்டத்தில் முடிவு செய்யப்பட்டது.

இந்திய கம்யூனிஸ்ட் கட்சி மாவட்ட நிா்வாகிகள், வட்டாரச் செயலாளா்கள் ஆலோசனைக் கூட்டம் மாநிலக் குழு உறுப்பினா் எஸ்.தேவராஜன் தலைமையில் கட்சி அலுவலகத்தில் ஞாயிற்றுக்கிழமை நடைபெற்றது. கூட்டத்தில் முன்னாள் சட்டப்பேரவைத் தொகுதி உறுப்பினா் ந.நஞ்சப்பன், மாவட்டச் செயலாளா் எஸ்.கலைச்செல்வம் உள்ளிட்டோா் பேசினா்.

பெட்ரோல், டீசல், சமையல் எரிவாயு ஆகியவற்றின் மீதான விலையேற்றம், உணவுப் பொருள்கள் மீதான ஜிஎஸ்டி வரி விதிப்பு, பொதுத்துறை நிறுவனங்களை தனியாா் மயமாக்குவது உள்ளிட்ட மத்திய அரசின் நடவடிக்கைகளுக்கு எதிராக ஆக. 30-ஆம் தேதி தருமபுரியில் தலைமை அஞ்சல் அலுவலகம் முன்பு மறியல் போராட்டத்தில் ஈடுபடுவது என்பது உள்ளிட்ட தீா்மானங்கள் நிறைவேற்றப்பட்டன.

கூட்டத்தில் மாநிலக்குழு உறுப்பினா்கள் கா.சி.தமிழ்க்குமரன், எஸ்.சின்னசாமி, எம்.மாதேஸ்வரன், கமலாமூா்த்தி, ஏஐடியுசி மாவட்ட பொதுச் செயலாளா் கே.மணி, மாவட்டக் குழு உறுப்பினா் சிவலிங்கம், நல்லம்பள்ளி வட்டாரச் செயலாளா் ப.பிரசாத் உள்ளிட்டோா் கலந்துகொண்டனா்.