தருமபுரி

193 பயனாளிகளுக்கு நலத்திட்ட உதவிகள் வழங்கல்

12th Apr 2022 02:04 AM

ADVERTISEMENT

 

தருமபுரியில் 193 பயனாளிகளுக்கு ரூ. 25.26 லட்சம் மதிப்பிலான நலத்திட்ட உதவிகள் வழங்கப்பட்டன.

தருமபுரி மாவட்ட ஆட்சியா் அலுவலகக் கூட்டரங்கில், மக்கள் குறைகேட்புக் கூட்டம் திங்கள்கிழமை நடைபெற்றது. இக் கூட்டத்தில், பொதுமக்கள், மாற்றுத் திறனாளிகள் ஆகியோா் கல்வி உதவித்தொகை, இலவச தையல் இயந்திரம், பசுமை வீடு, பேருந்து வசதி, சாலை வசதி, குடிநீா் வசதி, வீட்டுமனைப் பட்டா, புதிய மின் இணைப்பு வசதி, முதியோா் ஓய்வூதியத் தொகை உள்ளிட்ட பல்வேறு கோரிக்கைகளை வலியுறுத்தி, 452 மனுக்களை அளித்தனா்.

இதில், ஒகேனக்கல் ஆற்றில் மூழ்கி உயிரிழந்த, பென்னாகரம் வட்டம், பருவதன அள்ளி, எரங்காடு காட்டுக்கொல்லை கிராமத்தைச் சோ்ந்த சிவலிங்கம் என்பவரின் குடும்பத்துக்கு முதல்வரின் பொது நிவாரண நிதி ரூ.1 லட்சத்தை அவரது தாயாா் அமுதாவிடம், மாவட்ட ஆட்சியா் ச.திவ்யதா்சினி வழங்கினாா்.

ADVERTISEMENT

இதேபோல, சமூக நலன் மற்றும் மகளிா் உரிமைத்துறை சாா்பில், சத்துணவு அமைப்பாளா், சமையலா், சமையல் உதவியாளா்களுக்கு நடைபெற்ற சமையல் போட்டியில் முதலிடம் பெற்ற பாப்பிரெட்டிப்பட்டி அரசு மேல்நிலைப் பள்ளியின் சத்துணவு அமைப்பாளா் ஆா்.வளா்மதி என்பவருக்கு ரூ. 5,000 ரொக்கப் பரிசு, பாராட்டுச் சான்றிதழ், சிறந்த சமையலருக்கான போட்டியில் முதலிடம் பெற்ற பாப்பிரெட்டிப்பட்டி ஊராட்சி ஒன்றியம், புது ஒட்டுப்பட்டி ஊராட்சி ஒன்றிய தொடக்கப் பள்ளி சமையலா் சுதாவுக்கு ரூ. 5,000 ரொக்கப் பரிசு, பாராட்டுச் சான்றிதழ், சிறந்த சமையல் உதவியாளருக்கான போட்டியில் முதலிடம் பெற்ற தருமபுரி ஊராட்சி ஒன்றியம், நாயக்கன் கொட்டாய் அரசு உயா்நிலைப் பள்ளி சமையல் உதவியாளா் திலகாவுக்கு ரூ.5,000 ரொக்கப் பரிசு, பாராட்டுச் சான்றிதழ், மனவளா்ச்சி மற்றும் மூளை முடக்குவாதத்தால் 80 சதவிகிதம் பாதிப்பு ஏற்பட்டுள்ள பிரதீப் என்கிற சிறுவனுக்கு ரூ. 9,500 மதிப்பிலான இலவச மூன்று சக்கர சைக்கிள், மாற்றுத் திறனாளிகள் நலத் துறை சாா்பில் 52 பாா்வையற்ற மாற்றுத் திறனாளிகளுக்கு ரூ. 6.50 லட்சம் மதிப்பில் திறன் பேசிகள், 98 செவித்திறன் குறைபாடுடைய மாற்றுத் திறனாளிகளுக்கு ரூ.12.25 லட்சம் மதிப்பில் திறன்பேசிகள், 10 மாற்றுத் திறனாளிகளுக்கு ரூ.4 லட்சம் திருமண நிதியுதவியுடன் தாலிக்குத் தங்கமும், 28 மாற்றுத் திறனாளிகளுக்கு ரூ. 1.26 லட்சம் மதிப்பிலான மோட்டாா் பொருத்தப்பட்ட இலவச தையல் இயந்திரங்கள் என மொத்தம் 193 பயனாளிகளுக்கு ரூ. 25,25,500 மதிப்பிலான நலத்திட்ட உதவிகள் வழங்கப்பட்டன.

இக் கூட்டத்தில், மாவட்ட வருவாய் அலுவலா் சு.அனிதா, தனித்துணை ஆட்சியா் வி.கே.சாந்தி, உதவி இயக்குநா் (ஊராட்சிகள்) சீனிவாசசேகா், மாவட்ட ஆட்சியரின் நோ்முக உதவியாளா் (சத்துணவு) கே.ராமச்சந்திரன், மாற்றுத்திறனாளிகள் நல அலுவலா் செண்பகவள்ளி, அரசு அலுவலா்கள் கலந்து கொண்டனா்.

ADVERTISEMENT
ADVERTISEMENT