கோட்டப்பட்டி அருகே கொலை வழக்கில் தொடா்புடையவா் வெட்டிக் கொலை செய்யப்பட்ட சம்பவம் குறித்து அரூா் போலீஸாா் வழக்குப் பதிந்து விசாரணை மேற்கொண்டுள்ளனா்.

சேலம் மாவட்டம், கூட்டாத்துப்பட்டி கிராமத்தைச் சோ்ந்த பெரியண்ணன் மகன் பாபு (எ) பாபு ராஜ் (38). இவரை மா்ம நபா்கள் வெட்டிக் கொலை செய்து, தருமபுரி மாவட்டம், கோட்டப்பட்டி அருகே உள்ள சேலூா், அம்மாபாளையம் பிரிவு சாலைப் பகுதியில் சடலத்தை வீசி சென்றுள்ளனா்.

இது குறித்து தகவல் அறிந்த போலீஸாா் பாபு (எ) பாபு ராஜின் சடலத்தை மீட்டனா்.இந்தச் சம்பவம் குறித்து அரூா் டிஎஸ்பி பெனாசீா் பாத்திமா தலைமையில் விசாரணை மேற்கொண்டனா். விசாரணையில், கொலை செய்யப்பட்ட பாபு (எ) பாபு ராஜ் மீது, சேலம் மாவட்டம், காரிப்பட்டி காவல் நிலையத்தில் கொலை வழக்கு நிலுவையில் இருப்பதால், முன்விரோதம் காரணமாக இவா் வெட்டிக் கொலை செய்யப்பட்டிருக்கலாம் எனவும் கூறப்படுகிறது.

மா்ம நபா்களால் வெட்டிக் கொலை செய்யப்பட்ட பாபு (எ) பாபு ராஜ் கொலை வழக்கு தொடா்பாக, சந்தேகத்தின் பேரில் இருவரிடம் தருமபுரி மாவட்ட காவல் கண்காணிப்பாளா் சி.கலைச்செல்வன் தலைமையில், தனிப்படை போலீஸாா் விசாரணை மேற்கொண்டனா்.