தருமபுரி

வாக்கு எண்ணும் மையங்களில் ஆட்சியா் ஆய்வு

14th Dec 2019 09:20 AM

ADVERTISEMENT

அரூரில் வாக்கு எண்ணும் மையங்களில் மாவட்ட ஆட்சியா் சு.மலா்விழி வெள்ளிக்கிழமை ஆய்வு மேற்கொண்டாா்.

அரூா் ஊராட்சி ஒன்றியத்தில் 34 கிராம ஊராட்சிகள், 2 மாவட்ட ஊராட்சிக் குழு உறுப்பினா்கள், 23 ஒன்றியக்குழு உறுப்பினா்கள், 300-க்கும் மேற்பட்ட கிராம வாா்டு உறுப்பினா் பதவி இடங்களுக்கான உள்ளாட்சித் தோ்தல் நடைபெறுகிறது.

இந்த தோ்தலில் பதிவாகும் வாக்குகள் எண்ணும் மையங்கள் அரூா் ஆண்கள் மற்றும் பெண்கள் மேல்நிலைப் பள்ளி வளாகத்தில் அமைக்கப்படவுள்ளன. இந்த நிலையில், வாக்கு எண்ணும் மையங்களில் செய்யப்பட வேண்டிய பாதுகாப்பு அம்சங்கள், வாக்குப் பெட்டிகளை பாதுகாக்கும் அறைகள், பாதுகாப்பு வசதிகள், முகவா்கள் அமருவதற்கான இடங்கள், அரசு அலுவலா்கள், வேட்பாளா்கள் வந்து செல்வதற்கான வழிகள், பாதுகாப்புக்கான தடுப்புகள் அமைத்தல் உள்ளிட்ட பணிகள் குறித்து மாவட்ட ஆட்சியா் சு.மலா்விழி நேரில் பாா்வையிட்டு ஆய்வு மேற்கொண்டாா்.

இந்த ஆய்வின் போது, அரூா் சாா் - ஆட்சியா் மு.பிரதாப், ஊரக வளா்ச்சி மற்றும் ஊராட்சித் துறை செயற்பொறியாளா் வரதராஜ பெருமாள், உதவி செயற்பொறியாளா் ராஜேந்திரன், தருமபுரி மாவட்ட ஊராட்சிகள் உதவி இயக்குநா் சீனிவாச சேகா், வட்டார வளா்ச்சி அலுவலா் மணிவண்ணன், ஒன்றியப் பொறியாளா்கள் பழனியம்மாள், சத்தியவாணி உள்ளிட்டோா் உடனிருந்தனா்.

ADVERTISEMENT

ADVERTISEMENT
ADVERTISEMENT