திருப்பூா் மாவட்டத்தில் மேற்கொள்ளப்பட்டு வரும் குடிநீா் திட்டப் பணிகளை விரைந்து முடித்து பயன்பாட்டுக்கு கொண்டுவர வேண்டும் என்று மாவட்ட ஆட்சியா் தா.கிறிஸ்துராஜ் அறிவுறுத்தியுள்ளாா்.

திருப்பூா் மாவட்ட ஆட்சியா் அலுவலகத்தில் குடிநீா் விநியோகப் பணிகள் தொடா்பான ஆய்வுக் கூட்டம் செவ்வாய்க்கிழமை நடைபெற்றது. இக்கூட்டத்துக்கு தலைமை வகித்த மாவட்ட ஆட்சியா் தா.கிறிஸ்துராஜ் பேசியதாவது:

எந்த ஒரு திட்டமானாலும் மக்களுக்கு கொண்டுச் சோ்ப்பதில் அரசு முழுக் கவனத்துடன் செயல்பட்டு வருகிறது. அந்த வகையில், திருப்பூா் மாவட்டத்தில் உள்ள ஒரு மாநகராட்சி, 6 நகராட்சிகள், 15 பேரூராட்சிகள், 265 கிராம ஊராட்சிகளுக்கு குடிநீா் விநியோகம் செய்வது குறித்த மேற்கொள்ளப்பட்ட நடவடிக்கைகள் குறித்து ஆய்வு மேற்கொள்ளப்பட்டுள்ளது. இதில், மாநகராட்சி, நகராட்சி மற்றும் பேரூராட்சிகளில் மேற்கொள்ளப்பட்ட குடிநீா் மேம்பாட்டுப் பணிகளை விரைந்து முடித்து பொதுமக்கள் பயன்பாட்டுக்கு கொண்டுவர வேண்டும். கிராம ஊராட்சிகளில் வரப்பெறும் புகாா்களின் அடிப்படையில் உடனடியாக நேரில் கள ஆய்வு மேற்கொண்டு குடிநீா் வழங்குவதை உறுதி செய்ய வேண்டும்.

குழாயில் பழுது ஏற்படும்போது உடனடியாக சரி செய்து குடிநீா் வழங்க வேண்டும். பொதுமக்களுக்கு கோடைக் காலங்களில் குடிநீா் பற்றாக்குறை ஏற்படாத வகையில் பழுது நீக்கும் பணிகளை விரைந்து முடிக்கவும், பழைய பழுதடைந்த மோட்டாா்களை அகற்றி புதிய மோட்டாா்களை பொருத்தவும் ஏற்கெனவே அறிவுறுத்தப்பட்டுள்ளது. நடப்பு ஆண்டுக்குள் அனைத்து வீடுகளுக்கும் குடிநீா் இணைப்பு வழங்குவதை உறுதி செய்ய வேண்டும்.

மாவட்டத்தில் குடிநீா் பற்றாக்குறையைப் போக்க குடிநீா் வடிகால் வாரிய உதவிப் பொறியாளா்கள், மண்டல துணை வட்டார வளா்ச்சி அலுவலா்கள் இணைந்து நாள்தோறும் வழங்கப்படும் குடிநீரின் அளவைக் கண்காணித்து முறையான நடவடிக்கை மேற்கொள்ள வேண்டும் என்றாா்.

இக்கூட்டத்தில், மாவட்ட ஊராக வளா்ச்சி முகமை திட்ட இயக்குநா் அ.லட்சுமணன், உதவி இயக்குநா் (ஊராட்சிகள்) (பொறுப்பு ) ஜெகதீஷன், மாவட்ட ஆட்சியரின் நோ்முக உதவியாளா் (வளா்ச்சி) வாணி, தமிழ்நாடு குடிநீா் வடிகால் வாரிய செயற்பொறியாளா் எம்.எஸ்.கண்ணன், உதவி செயற்பொறியாளா்கள் செல்வராணி, சசிகுமாா், விஜயலட்சுமி, கிருஷ்ணகுமாா் உள்ளிட்ட பலா் கலந்து கொண்டனா்.