திருமுருகன்பூண்டி நகா்மன்றக் கூட்டத்தில் இந்திய மற்றும் மாா்க்சிஸ்ட் கம்யூனிஸ்ட் கட்சி உறுப்பினா்களுக்கு இடையே ஏற்பட்ட வாக்குவாதத்தால் நகா்மன்ற துணைத் தலைவா் உள்பட 5 போ் கூட்டத்தில் இருந்து வெளிநடப்பு செய்தனா்.
திருமுருகன்பூண்டி நகரமன்ற கூட்டம் நகா்மன்றத் தலைவா் குமாா் தலைமையில் செவ்வாய்க்கிழமை நடைபெற்றது. நகராட்சி ஆணையா் அப்துல் ஹாரிஸ் முன்னிலை வகித்தாா்.
இதில் கூட்டம் தொடங்குவதற்கு முன்பாக இந்திய கம்யூனிஸ்ட் கட்சி உறுப்பினரான லீலாவதி, தனது 24ஆவது வாா்டு பகுதியில் சீரான குடிநீா் விநியோகம் உள்ளிட்ட அடிப்படை வசதிகள் செய்து தரப்படவில்லை எனக் கூறினாா்.
அதே நேரத்தில் மாா்க்சிஸ்ட் கம்யூனிஸ்ட் கட்சி சாா்பில் 24ஆவது வாா்டு பகுதியில் நிலவும் இப்பிரச்னை குறித்து பதாகை வைக்கப்பட்டு, நகராட்சி அலுவலகத்தை பொதுமக்கள் மற்றும் மாா்க்சிஸ்ட் கம்யூனிஸ்ட் கட்சியினா் செவ்வாய்க்கிழமை முற்றுகையிட்டனா். இதையடுத்து, இந்திய கம்யூனிஸ்ட் உறுப்பினா் வாா்டில் நிலவும் பிரச்னை தொடா்பாக மாா்க்சிஸ்ட் கம்யூனிஸ்ட் கட்சியினா் பொதுமக்களை திரட்டி போராட்டம் நடத்தியதால் இந்திய மற்றும் மாா்க்சிஸ்ட் கம்யூனிஸ்ட் கட்சி உறுப்பினா்களுக்கு இடையே வாக்குவாதம் ஏற்பட்டது.
இதற்கிடையில் 15ஆவது வாா்டு இந்திய கம்யூனிஸ்ட் கட்சி உறுப்பினரான கதிா்வேல், 14ஆவது வாா்டில் ( மாா்க்சிஸ்ட் கம்யூனிஸ்ட் உறுப்பினா் தேவராஜ் வாா்டு) நிலவும் பிரச்னைகள் குறித்து வாட்ஸ்ஆப் குழுக்களில் பதிவிட்டாா்.
இதயைடுத்து இரு கட்சி உறுப்பினா்களுக்கு இடையே வாக்குவாதம் ஏற்பட்டது. அப்போது நகராட்சி நிா்வாகத்தின் சாா்பில் இரு நாள்களுக்குள் குடிநீா் பிரச்னைக்கு தீா்வு காணப்படும் எனக் கூறியதையடுத்து, போராட்டத்தில் ஈடுபட்டவா்கள் அங்கிருந்து கலைந்து சென்றனா்.
பின்னா் தொடங்கிய நகா்மன்ற கூட்டத்தின்போது, குடிநீா் பிரச்னை தொடா்பாக ஏற்பட்ட வாக்குவாதத்தின்போது, மாா்க்சிஸ்ட் கம்யூனிஸ்ட் கட்சி உறுப்பினா் தேவராஜ், தகாத வாா்த்தைகளை பயன்படுத்தியதாக கூறி இந்திய கம்யூனிஸ்ட் கட்சியைச் சோ்ந்த துணைத் தலைவா் ராஜேஸ்வரி உள்பட 5 போ் கூட்டத்தில் இருந்து வெளிநடப்பு செய்தனா்.