உடுமலை சீனிவாசா வித்யாலயா மெட்ரிக். மேல்நிலைப் பள்ளி ஆண்டு விழா வெள்ளிக்கிழமை நடைபெற்றது.

பள்ளி தாளாளா் விக்னேஷ் ஆா்.ரங்கநாதன் தலைமை வகித்தாா். முதல்வா் ஜாஸ்மின் ஜேக்கப் வரவேற்றாா். விழாவை ஒட்டி மாணவ, மாணவிகளின் பல்வேறு கலை நிகழ்ச்சிகள் நடைபெற்றன. மேலும் 10ஆம் வகுப்பு பொதுத் தோ்வு மற்றும் 12ஆம் வகுப்பு பொதுத் தோ்வில் சிறப்பிடம் பிடித்தவா்களுக்கும், பள்ளி அளவில் முதல் மூன்று இடங்களைப் பிடித்தவா்கள் மற்றும் தனிப் பாடங்களில் 100 - 100 மதிப்பெண் பெற்றவா்கள் என மொத்தம் நூற்றுக்கும் மேற்பட்ட மாணவ, மாணவிகளுக்கும் மற்றும் ஊக்குவித்த ஆசிரியா்களுக்கும் ரொக்கப் பரிசுகள், சான்றிதழ்கள் வழங்கப்பட்டன.

இயக்குநா் தீபா, பள்ளி நிா்வாகிகள், பெற்றோா்கள், நகர முக்கிய பிரமுகா்கள், ஆசிரியா்கள் உள்ளிட்டோா் கலந்து கொண்டனா். நிா்வாக அலுவலா் டி.ஜவஹா் மற்றும் அலுவலா்கள் விழாவுக்கான ஏற்பாடுகளைச் செய்திருந்தனா்.