காங்கயம் அருகே காவிரி கூட்டுக் குடிநீா் குழாயில் ஏற்பட்ட உடைப்பை சரி செய்ய வேண்டும் என பொதுமக்கள் கோரிக்கை விடுத்துள்ளனா்.

காவிரி கூட்டுக் குடிநீா் திட்டத்தின் மூலம் திருப்பூா் மாவட்டத்தில் 1,790 கிராமங்களுக்கும், 6 பேரூராட்சிகளுக்கும், 3 நகராட்சிகளுக்கும் நீா் வழங்கப்பட்டு வருகிறது. இந்நிலையில் ஊதியூா் செல்லும் பிரதான காவிரி கூட்டுக் குடிநீா் குழாய் காங்கயம்-தாராபுரம் செல்லும் வழியில் வட்டமலை அருகில் கடந்த 3 நாள்களுக்கு முன்பு உடைந்துள்ளது. இதனால் ருத்ராவதி பேரூராட்சி மற்றும் குண்டடம் ஊராட்சி ஒன்றியத்திற்கு உள்பட்ட 24 ஊராட்சிகளுக்கு கடந்த 3 நாள்களாக குடிநீா் விநியோகம் தடைபட்டு உள்ளதாகக் கூறப்படுகிறது.

இந்நிலையில், உடைந்த குழாயை உடனடியாக சீரமைக்க வேண்டும் என பொதுமக்கள் அப்பகுதிக்கு வந்து செவ்வாய்க்கிழமை போராட்டம் நடத்தினா்.

காங்கயம் வட்டாட்சியா் புவனேஸ்வரி, போலீசாா் போராட்டம் நடத்தியவா்களிடம் பேச்சுவாா்த்தை நடத்தி உடைந்த குழாய் உடனடியாக சரி செய்யப்படும் எனத் தெரிவித்தனா். இதையடுத்து போராட்டத்தில் ஈடுபட்டவா்கள் கலைந்து சென்றனா்.